| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੭. ਆਮਕਧਞ੍ਞਸਿਕ੍ਖਾਪਦવਣ੍ਣਨਾ
7. Āmakadhaññasikkhāpadavaṇṇanā
ਤਸ੍ਮਾਤਿ ਯਸ੍ਮਾ વਿਞ੍ਞਤ੍ਤਿ ਚੇવ ਭੋਜਨਞ੍ਚ ਪਮਾਣਂ, ਤਸ੍ਮਾ। ਨ ਕੇવਲਞ੍ਚੇਤ੍ਥ ਪਟਿਗ੍ਗਹਣੇਯੇવ ਦੁਕ੍ਕਟਂ ਹੋਤਿ, ਪਟਿਗ੍ਗਣ੍ਹਿਤ੍વਾ ਪਨ ਅਰਞ੍ਞਤੋ ਆਹਰਣੇਪਿ ਸੁਕ੍ਖਾਪਨੇਪਿ વਦ੍ਦਲਿਦਿવਸੇ ਭਜ੍ਜਨਤ੍ਥਾਯ ਉਦ੍ਧਨਸਜ੍ਜਨੇਪਿ ਕਪਲ੍ਲਸਜ੍ਜਨੇਪਿ ਦਬ੍ਬਿਸਜ੍ਜਨੇਪਿ ਦਾਰੂਨਿ ਆਦਾਯ ਅਗ੍ਗਿਕਰਣੇਪਿ ਕਪਲ੍ਲਮ੍ਹਿ ਧਞ੍ਞਪਕ੍ਖਿਪਨੇਪਿ ਦਬ੍ਬਿਯਾ ਸਙ੍ਘਟ੍ਟਨੇਸੁਪਿ ਕੋਟ੍ਟਨਤ੍ਥਂ ਉਦੁਕ੍ਖਲਮੁਸਲਾਦਿਸਜ੍ਜਨੇਸੁਪਿ ਕੋਟ੍ਟਨਪਪ੍ਫੋਟਨਧੋવਨਾਦੀਸੁਪਿ ਯਾવ ਮੁਖੇ ਠਪੇਤ੍વਾ ਅਜ੍ਝੋਹਰਣਤ੍ਥਂ ਦਨ੍ਤੇਹਿ ਸਙ੍ਖਾਦਤਿ, ਤਾવ ਸਬ੍ਬਪ੍ਪਯੋਗੇਸੁ ਦੁਕ੍ਕਟਾਨੀਤਿ ਆਹ ‘‘ਪਟਿਗ੍ਗਹਣਤੋ ਪਟ੍ਠਾਯ ਯਾવ ਦਨ੍ਤੇਹਿ ਸਂਖਾਦਨਂ, ਤਾવ ਪੁਬ੍ਬਪ੍ਪਯੋਗੇਸੁ ਦੁਕ੍ਕਟਾਨੀ’’ਤਿ।
Tasmāti yasmā viññatti ceva bhojanañca pamāṇaṃ, tasmā. Na kevalañcettha paṭiggahaṇeyeva dukkaṭaṃ hoti, paṭiggaṇhitvā pana araññato āharaṇepi sukkhāpanepi vaddalidivase bhajjanatthāya uddhanasajjanepi kapallasajjanepi dabbisajjanepi dārūni ādāya aggikaraṇepi kapallamhi dhaññapakkhipanepi dabbiyā saṅghaṭṭanesupi koṭṭanatthaṃ udukkhalamusalādisajjanesupi koṭṭanapapphoṭanadhovanādīsupi yāva mukhe ṭhapetvā ajjhoharaṇatthaṃ dantehi saṅkhādati, tāva sabbappayogesu dukkaṭānīti āha ‘‘paṭiggahaṇato paṭṭhāya yāva dantehi saṃkhādanaṃ, tāva pubbappayogesu dukkaṭānī’’ti.
ਆਮਕਧਞ੍ਞਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Āmakadhaññasikkhāpadavaṇṇanā niṭṭhitā.
