| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
9. алийнасад̇д̇ужарияаа
9. Alīnasattucariyā
74.
74.
‘‘бан̃жааларадтз наг̇араварз, габилааяам̣ 1 буруд̇д̇амз;
‘‘Pañcālaraṭṭhe nagaravare, kapilāyaṃ 2 puruttame;
рааж̇аа ж̇аяад̣̇д̣̇исо наама, сийлаг̇ун̣амубааг̇ад̇о.
Rājā jayaddiso nāma, sīlaguṇamupāgato.
75.
75.
‘‘д̇асса ран̃н̃о ахам̣ буд̇д̇о, суд̇ад̇хаммо сусийлаваа;
‘‘Tassa rañño ahaṃ putto, sutadhammo susīlavā;
алийнасад̇д̇о г̇ун̣аваа, анурагкабариж̇ано сад̣̇аа.
Alīnasatto guṇavā, anurakkhaparijano sadā.
76.
76.
‘‘бид̇аа мз миг̇авам̣ г̇анд̇ваа, борисаад̣̇ам̣ убааг̇ами;
‘‘Pitā me migavaṃ gantvā, porisādaṃ upāgami;
со мз бид̇умаг̇г̇ахзси, ‘бхагкоси мама маа жали’.
So me pitumaggahesi, ‘bhakkhosi mama mā cali’.
77.
77.
‘‘д̇асса д̇ам̣ важанам̣ суд̇ваа, бхийд̇о д̇асид̇авзд̇хид̇о;
‘‘Tassa taṃ vacanaṃ sutvā, bhīto tasitavedhito;
ууругкамбхо аху д̇асса, д̣̇исваана борисаад̣̇агам̣.
Ūrukkhambho ahu tassa, disvāna porisādakaṃ.
78.
78.
‘‘миг̇авам̣ г̇ахзд̇ваа мун̃жассу, гад̇ваа ааг̇аманам̣ буна;
‘‘Migavaṃ gahetvā muñcassu, katvā āgamanaṃ puna;
б̣раахман̣асса д̇ханам̣ д̣̇ад̇ваа, бид̇аа ааманд̇аяий мамам̣.
Brāhmaṇassa dhanaṃ datvā, pitā āmantayī mamaṃ.
79.
79.
‘‘‘раж̇ж̇ам̣ буд̇д̇а бадибаж̇ж̇а, маа бамаж̇ж̇и бурам̣ ид̣̇ам̣;
‘‘‘Rajjaṃ putta paṭipajja, mā pamajji puraṃ idaṃ;
гад̇ам̣ мз борисаад̣̇зна, мама ааг̇аманам̣ буна’.
Kataṃ me porisādena, mama āgamanaṃ puna’.
80.
80.
‘‘маад̇аабид̇уу жа ванд̣̇ид̇ваа, нимминид̇ваана ад̇д̇анаа;
‘‘Mātāpitū ca vanditvā, nimminitvāna attanā;
нигкибид̇ваа д̇ханум̣ каг̇г̇ам̣, борисаад̣̇ам̣ убааг̇амим̣.
Nikkhipitvā dhanuṃ khaggaṃ, porisādaṃ upāgamiṃ.
81.
81.
‘‘сасад̇т̇ахад̇т̇уубаг̇ад̇ам̣, гад̣̇аажи со д̇асиссад̇и;
‘‘Sasatthahatthūpagataṃ, kadāci so tasissati;
д̇зна бхиж̇ж̇иссад̇и сийлам̣, барид̇д̇аасам̣ 3 гад̇з маяи.
Tena bhijjissati sīlaṃ, parittāsaṃ 4 kate mayi.
82.
82.
‘‘сийлакан̣д̣абхаяаа маяхам̣, д̇асса д̣̇зссам̣ на б̣яаахарим̣;
‘‘Sīlakhaṇḍabhayā mayhaṃ, tassa dessaṃ na byāhariṃ;
мзд̇д̇ажид̇д̇о хид̇аваад̣̇ий, ид̣̇ам̣ важанамаб̣равим̣.
Mettacitto hitavādī, idaṃ vacanamabraviṃ.
83.
83.
‘‘‘уж̇ж̇аалзхи махаааг̇г̇им̣, бабад̇иссаами ругкад̇о;
‘‘‘Ujjālehi mahāaggiṃ, papatissāmi rukkhato;
д̇вам̣ баггагааламан̃н̃ааяа 5, бхагкаяа мам̣ бид̇аамаха’.
Tvaṃ pakkakālamaññāya 6, bhakkhaya maṃ pitāmaha’.
84.
84.
‘‘ид̇и сийлавад̇ам̣ хзд̇у, наарагким̣ мама ж̇ийвид̇ам̣;
‘‘Iti sīlavataṃ hetu, nārakkhiṃ mama jīvitaṃ;
баб̣б̣ааж̇зсим̣ жахам̣ д̇асса, сад̣̇аа баан̣аад̇ибаад̇ига’’нд̇и.
Pabbājesiṃ cahaṃ tassa, sadā pāṇātipātika’’nti.
алийнасад̇д̇ужарияам̣ навамам̣.
Alīnasattucariyaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 9. алийнасад̇д̇ужарияааван̣н̣анаа • 9. Alīnasattucariyāvaṇṇanā
