| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၂၂) ၂. အက္ကောသကဝဂ္ဂော
(22) 2. Akkosakavaggo
၁. အက္ကောသကသုတ္တံ
1. Akkosakasuttaṃ
၂၁၁. ‘‘ယော သော, ဘိက္ခဝေ, ဘိက္ခု အက္ကောသကပရိဘာသကော အရိယူပဝာဒီ သဗ္ရဟ္မစာရီနံ, တသ္သ ပဉ္စ အာဒီနဝာ ပာဋိကင္ခာ။ ကတမေ ပဉ္စ? ပာရာဇိကော ဝာ ဟောတိ ဆိန္နပရိပန္ထော 1, အညတရံ ဝာ သံကိလိဋ္ဌံ အာပတ္တိံ အာပဇ္ဇတိ, ဗာဠ္ဟံ ဝာ ရောဂာတင္ကံ ဖုသတိ, သမ္မူဠ္ဟော ကာလံ ကရောတိ, ကာယသ္သ ဘေဒာ ပရံ မရဏာ အပာယံ ဒုဂ္ဂတိံ ဝိနိပာတံ နိရယံ ဥပပဇ္ဇတိ။ ယော သော, ဘိက္ခဝေ, ဘိက္ခု အက္ကောသကပရိဘာသကော အရိယူပဝာဒီ သဗ္ရဟ္မစာရီနံ, တသ္သ ဣမေ ပဉ္စ အာဒီနဝာ ပာဋိကင္ခာ’’တိ။ ပဌမံ။
211. ‘‘Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, tassa pañca ādīnavā pāṭikaṅkhā. Katame pañca? Pārājiko vā hoti chinnaparipantho 2, aññataraṃ vā saṃkiliṭṭhaṃ āpattiṃ āpajjati, bāḷhaṃ vā rogātaṅkaṃ phusati, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, tassa ime pañca ādīnavā pāṭikaṅkhā’’ti. Paṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. အက္ကောသကသုတ္တဝဏ္ဏနာ • 1. Akkosakasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၂. အက္ကောသကသုတ္တာဒိဝဏ္ဏနာ • 1-2. Akkosakasuttādivaṇṇanā
