| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၂. ဘဏ္ဍနကာရကသုတ္တံ
2. Bhaṇḍanakārakasuttaṃ
၂၁၂. ‘‘ယော သော, ဘိက္ခဝေ, ဘိက္ခု ဘဏ္ဍနကာရကော ကလဟကာရကော ဝိဝာဒကာရကော ဘသ္သကာရကော သင္ဃေ အဓိကရဏကာရကော, တသ္သ ပဉ္စ အာဒီနဝာ ပာဋိကင္ခာ။ ကတမေ ပဉ္စ? အနဓိဂတံ နာဓိဂစ္ဆတိ, အဓိဂတာ 1 ပရိဟာယတိ, ပာပကော ကိတ္တိသဒ္ဒော အဗ္ဘုဂ္ဂစ္ဆတိ, သမ္မူဠ္ဟော ကာလံ ကရောတိ, ကာယသ္သ ဘေဒာ ပရံ မရဏာ အပာယံ ဒုဂ္ဂတိံ ဝိနိပာတံ နိရယံ ဥပပဇ္ဇတိ။ ယော သော, ဘိက္ခဝေ, ဘိက္ခု ဘဏ္ဍနကာရကော ကလဟကာရကော ဝိဝာဒကာရကော ဘသ္သကာရကော သင္ဃေ အဓိကရဏကာရကော, တသ္သ ဣမေ ပဉ္စ အာဒီနဝာ ပာဋိကင္ခာ’’တိ။ ဒုတိယံ။
212. ‘‘Yo so, bhikkhave, bhikkhu bhaṇḍanakārako kalahakārako vivādakārako bhassakārako saṅghe adhikaraṇakārako, tassa pañca ādīnavā pāṭikaṅkhā. Katame pañca? Anadhigataṃ nādhigacchati, adhigatā 2 parihāyati, pāpako kittisaddo abbhuggacchati, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yo so, bhikkhave, bhikkhu bhaṇḍanakārako kalahakārako vivādakārako bhassakārako saṅghe adhikaraṇakārako, tassa ime pañca ādīnavā pāṭikaṅkhā’’ti. Dutiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၂. ဘဏ္ဍနကာရကသုတ္တဝဏ္ဏနာ • 2. Bhaṇḍanakārakasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၂. အက္ကောသကသုတ္တာဒိဝဏ္ဏနာ • 1-2. Akkosakasuttādivaṇṇanā
