| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೫. ಅಕ್ಕೋಧಸುತ್ತವಣ್ಣನಾ
5. Akkodhasuttavaṇṇanā
೨೭೧. ಕೋಧೋ ತುಮ್ಹೇ ಮಾ ಅಭಿಭವೀತಿ ಏತ್ಥ ಕೋಧೇನ ಅನಭಿಭವನೀಯತ್ತಂ ಖನ್ತಿಮೇತ್ತಾಕರುಣಾದಿತಪ್ಪಟಿಪಕ್ಖಧಮ್ಮಪರಿಬ್ರೂಹನೇನ । ತಥಾ ಹಿ ತಂಸಮಙ್ಗಿನೋ ಕೋಧೋ ಅಭಿಭುಯ್ಯತೀತಿ ಆಹ ‘‘ತುಮ್ಹೇವ ಕೋಧಂ ಅಭಿಭವಥ। ಕುಜ್ಝನ್ತಾನಂ ಮಾ ಪಟಿಕುಜ್ಝಿತ್ಥಾ’’ತಿ। ಪಟಿಪದಾತಿ ಏಸಾ ಪಟಿಪತ್ತಿ। ಮೇತ್ತಾತಿ ಅಪ್ಪನಾಪ್ಪತ್ತಾ ಮೇತ್ತಾ। ತದುಪಚಾರೋ ಮೇತ್ತಾಪುಬ್ಬಭಾಗೋ। ನ ವಿಹಿಂಸತಿ ಕಿಞ್ಚಿ ಏತಾಯಾತಿ ಅವಿಹಿಂಸಾ। ಕರುಣಾತಿ ಅಪ್ಪನಾಪ್ಪತ್ತಕರುಣಾ ವೇದಿತಬ್ಬಾ। ತದುಪಚಾರೋ ಕರುಣಾಪುಬ್ಬಭಾಗೋ। ಲಾಮಕಜನನ್ತಿ ಖನ್ತಿಆದೀಸು ಯೋನಿಸೋಮನಸಿಕಾರಾಭಾವೇನ ಗಾರಯ್ಹಸಮಾಚಾರಸಮಾಯೋಗೇನ ಚ ನಿಹೀನಂ ಜನಂ। ಪಚ್ಚಯಪರಿಸುದ್ಧಿಯಾ ಕೋಧೋ ಅಭಿಮದ್ದಮಾನೋ ಪುಗ್ಗಲಂ ಅಭಿಮದ್ದತಿ, ತಸ್ಸ ಸೋ ಪಟಿಸಙ್ಖಾನಭಾವನಾಬಲೇಹಿ ಸಮ್ಮದೇವ ಪಹಾತಬ್ಬೋತಿ।
271.Kodho tumhe mā abhibhavīti ettha kodhena anabhibhavanīyattaṃ khantimettākaruṇāditappaṭipakkhadhammaparibrūhanena . Tathā hi taṃsamaṅgino kodho abhibhuyyatīti āha ‘‘tumheva kodhaṃ abhibhavatha. Kujjhantānaṃ mā paṭikujjhitthā’’ti. Paṭipadāti esā paṭipatti. Mettāti appanāppattā mettā. Tadupacāro mettāpubbabhāgo. Na vihiṃsati kiñci etāyāti avihiṃsā. Karuṇāti appanāppattakaruṇā veditabbā. Tadupacāro karuṇāpubbabhāgo. Lāmakajananti khantiādīsu yonisomanasikārābhāvena gārayhasamācārasamāyogena ca nihīnaṃ janaṃ. Paccayaparisuddhiyā kodho abhimaddamāno puggalaṃ abhimaddati, tassa so paṭisaṅkhānabhāvanābalehi sammadeva pahātabboti.
ಅಕ್ಕೋಧಸುತ್ತವಣ್ಣನಾ ನಿಟ್ಠಿತಾ।
Akkodhasuttavaṇṇanā niṭṭhitā.
ತತಿಯವಗ್ಗವಣ್ಣನಾ ನಿಟ್ಠಿತಾ।
Tatiyavaggavaṇṇanā niṭṭhitā.
ಸಾರತ್ಥಪ್ಪಕಾಸಿನಿಯಾ ಸಂಯುತ್ತನಿಕಾಯ-ಅಟ್ಠಕಥಾಯ
Sāratthappakāsiniyā saṃyuttanikāya-aṭṭhakathāya
ಸಕ್ಕಸಂಯುತ್ತವಣ್ಣನಾಯ ಲೀನತ್ಥಪ್ಪಕಾಸನಾ ಸಮತ್ತಾ।
Sakkasaṃyuttavaṇṇanāya līnatthappakāsanā samattā.
ನಿಟ್ಠಿತಾ ಚ ಸಾರತ್ಥಪ್ಪಕಾಸಿನಿಯಾ
Niṭṭhitā ca sāratthappakāsiniyā
ಸಂಯುತ್ತನಿಕಾಯ-ಅಟ್ಠಕಥಾಯ ಸಗಾಥಾವಗ್ಗವಣ್ಣನಾ।
Saṃyuttanikāya-aṭṭhakathāya sagāthāvaggavaṇṇanā.
ಪಠಮೋ ಭಾಗೋ ನಿಟ್ಠಿತೋ।
Paṭhamo bhāgo niṭṭhito.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೫. ಅಕ್ಕೋಧಸುತ್ತಂ • 5. Akkodhasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೫. ಅಕ್ಕೋಧಸುತ್ತವಣ್ಣನಾ • 5. Akkodhasuttavaṇṇanā
