| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೫. ಅಕ್ಕೋಧಸುತ್ತಂ
5. Akkodhasuttaṃ
೨೭೧. ಏವಂ ಮೇ ಸುತಂ – ಏಕಂ ಸಮಯಂ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ। ತತ್ರ ಖೋ ಭಗವಾ ಭಿಕ್ಖೂ…ಪೇ॰… ಭಗವಾ ಏತದವೋಚ – ‘‘ಭೂತಪುಬ್ಬಂ, ಭಿಕ್ಖವೇ, ಸಕ್ಕೋ ದೇವಾನಮಿನ್ದೋ ಸುಧಮ್ಮಾಯಂ ಸಭಾಯಂ ದೇವೇ ತಾವತಿಂಸೇ ಅನುನಯಮಾನೋ ತಾಯಂ ವೇಲಾಯಂ ಇಮಂ ಗಾಥಂ ಅಭಾಸಿ –
271. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū…pe… bhagavā etadavoca – ‘‘bhūtapubbaṃ, bhikkhave, sakko devānamindo sudhammāyaṃ sabhāyaṃ deve tāvatiṃse anunayamāno tāyaṃ velāyaṃ imaṃ gāthaṃ abhāsi –
‘‘ಮಾ ವೋ ಕೋಧೋ ಅಜ್ಝಭವಿ, ಮಾ ಚ ಕುಜ್ಝಿತ್ಥ ಕುಜ್ಝತಂ।
‘‘Mā vo kodho ajjhabhavi, mā ca kujjhittha kujjhataṃ;
ಅಥ ಪಾಪಜನಂ ಕೋಧೋ, ಪಬ್ಬತೋವಾಭಿಮದ್ದತೀ’’ತಿ॥
Atha pāpajanaṃ kodho, pabbatovābhimaddatī’’ti.
ತತಿಯೋ ವಗ್ಗೋ।
Tatiyo vaggo.
ತಸ್ಸುದ್ದಾನಂ –
Tassuddānaṃ –
ಛೇತ್ವಾ ದುಬ್ಬಣ್ಣಿಯಮಾಯಾ, ಅಚ್ಚಯೇನ ಅಕೋಧನೋ।
Chetvā dubbaṇṇiyamāyā, accayena akodhano;
ದೇಸಿತಂ ಬುದ್ಧಸೇಟ್ಠೇನ, ಇದಞ್ಹಿ ಸಕ್ಕಪಞ್ಚಕನ್ತಿ॥
Desitaṃ buddhaseṭṭhena, idañhi sakkapañcakanti.
ಸಕ್ಕಸಂಯುತ್ತಂ ಸಮತ್ತಂ।
Sakkasaṃyuttaṃ samattaṃ.
ಸಗಾಥಾವಗ್ಗೋ ಪಠಮೋ।
Sagāthāvaggo paṭhamo.
ತಸ್ಸುದ್ದಾನಂ –
Tassuddānaṃ –
ದೇವತಾ ದೇವಪುತ್ತೋ ಚ, ರಾಜಾ ಮಾರೋ ಚ ಭಿಕ್ಖುನೀ।
Devatā devaputto ca, rājā māro ca bhikkhunī;
ಬ್ರಹ್ಮಾ ಬ್ರಾಹ್ಮಣ ವಙ್ಗೀಸೋ, ವನಯಕ್ಖೇನ ವಾಸವೋತಿ॥
Brahmā brāhmaṇa vaṅgīso, vanayakkhena vāsavoti.
ಸಗಾಥಾವಗ್ಗಸಂಯುತ್ತಪಾಳಿ ನಿಟ್ಠಿತಾ।
Sagāthāvaggasaṃyuttapāḷi niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೫. ಅಕ್ಕೋಧಸುತ್ತವಣ್ಣನಾ • 5. Akkodhasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೫. ಅಕ್ಕೋಧಸುತ್ತವಣ್ಣನಾ • 5. Akkodhasuttavaṇṇanā
