| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៥. អក្កោធសុត្តវណ្ណនា
5. Akkodhasuttavaṇṇanā
២៧១. កោធោ តុម្ហេ មា អភិភវីតិ ឯត្ថ កោធេន អនភិភវនីយត្តំ ខន្តិមេត្តាករុណាទិតប្បដិបក្ខធម្មបរិព្រូហនេន ។ តថា ហិ តំសមង្គិនោ កោធោ អភិភុយ្យតីតិ អាហ ‘‘តុម្ហេវ កោធំ អភិភវថ។ កុជ្ឈន្តានំ មា បដិកុជ្ឈិត្ថា’’តិ។ បដិបទាតិ ឯសា បដិបត្តិ។ មេត្តាតិ អប្បនាប្បត្តា មេត្តា។ តទុបចារោ មេត្តាបុព្ពភាគោ។ ន វិហិំសតិ កិញ្ចិ ឯតាយាតិ អវិហិំសា។ ករុណាតិ អប្បនាប្បត្តករុណា វេទិតព្ពា។ តទុបចារោ ករុណាបុព្ពភាគោ។ លាមកជនន្តិ ខន្តិអាទីសុ យោនិសោមនសិការាភាវេន គារយ្ហសមាចារសមាយោគេន ច និហីនំ ជនំ។ បច្ចយបរិសុទ្ធិយា កោធោ អភិមទ្ទមានោ បុគ្គលំ អភិមទ្ទតិ, តស្ស សោ បដិសង្ខានភាវនាពលេហិ សម្មទេវ បហាតព្ពោតិ។
271.Kodho tumhe mā abhibhavīti ettha kodhena anabhibhavanīyattaṃ khantimettākaruṇāditappaṭipakkhadhammaparibrūhanena . Tathā hi taṃsamaṅgino kodho abhibhuyyatīti āha ‘‘tumheva kodhaṃ abhibhavatha. Kujjhantānaṃ mā paṭikujjhitthā’’ti. Paṭipadāti esā paṭipatti. Mettāti appanāppattā mettā. Tadupacāro mettāpubbabhāgo. Na vihiṃsati kiñci etāyāti avihiṃsā. Karuṇāti appanāppattakaruṇā veditabbā. Tadupacāro karuṇāpubbabhāgo. Lāmakajananti khantiādīsu yonisomanasikārābhāvena gārayhasamācārasamāyogena ca nihīnaṃ janaṃ. Paccayaparisuddhiyā kodho abhimaddamāno puggalaṃ abhimaddati, tassa so paṭisaṅkhānabhāvanābalehi sammadeva pahātabboti.
អក្កោធសុត្តវណ្ណនា និដ្ឋិតា។
Akkodhasuttavaṇṇanā niṭṭhitā.
តតិយវគ្គវណ្ណនា និដ្ឋិតា។
Tatiyavaggavaṇṇanā niṭṭhitā.
សារត្ថប្បកាសិនិយា សំយុត្តនិកាយ-អដ្ឋកថាយ
Sāratthappakāsiniyā saṃyuttanikāya-aṭṭhakathāya
សក្កសំយុត្តវណ្ណនាយ លីនត្ថប្បកាសនា សមត្តា។
Sakkasaṃyuttavaṇṇanāya līnatthappakāsanā samattā.
និដ្ឋិតា ច សារត្ថប្បកាសិនិយា
Niṭṭhitā ca sāratthappakāsiniyā
សំយុត្តនិកាយ-អដ្ឋកថាយ សគាថាវគ្គវណ្ណនា។
Saṃyuttanikāya-aṭṭhakathāya sagāthāvaggavaṇṇanā.
បឋមោ ភាគោ និដ្ឋិតោ។
Paṭhamo bhāgo niṭṭhito.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៥. អក្កោធសុត្តំ • 5. Akkodhasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៥. អក្កោធសុត្តវណ្ណនា • 5. Akkodhasuttavaṇṇanā
