| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૫. અક્કોધસુત્તવણ્ણના
5. Akkodhasuttavaṇṇanā
૨૭૧. કોધો તુમ્હે મા અભિભવીતિ એત્થ કોધેન અનભિભવનીયત્તં ખન્તિમેત્તાકરુણાદિતપ્પટિપક્ખધમ્મપરિબ્રૂહનેન . તથા હિ તંસમઙ્ગિનો કોધો અભિભુય્યતીતિ આહ ‘‘તુમ્હેવ કોધં અભિભવથ. કુજ્ઝન્તાનં મા પટિકુજ્ઝિત્થા’’તિ. પટિપદાતિ એસા પટિપત્તિ. મેત્તાતિ અપ્પનાપ્પત્તા મેત્તા. તદુપચારો મેત્તાપુબ્બભાગો. ન વિહિંસતિ કિઞ્ચિ એતાયાતિ અવિહિંસા. કરુણાતિ અપ્પનાપ્પત્તકરુણા વેદિતબ્બા. તદુપચારો કરુણાપુબ્બભાગો. લામકજનન્તિ ખન્તિઆદીસુ યોનિસોમનસિકારાભાવેન ગારય્હસમાચારસમાયોગેન ચ નિહીનં જનં. પચ્ચયપરિસુદ્ધિયા કોધો અભિમદ્દમાનો પુગ્ગલં અભિમદ્દતિ, તસ્સ સો પટિસઙ્ખાનભાવનાબલેહિ સમ્મદેવ પહાતબ્બોતિ.
271.Kodho tumhe mā abhibhavīti ettha kodhena anabhibhavanīyattaṃ khantimettākaruṇāditappaṭipakkhadhammaparibrūhanena . Tathā hi taṃsamaṅgino kodho abhibhuyyatīti āha ‘‘tumheva kodhaṃ abhibhavatha. Kujjhantānaṃ mā paṭikujjhitthā’’ti. Paṭipadāti esā paṭipatti. Mettāti appanāppattā mettā. Tadupacāro mettāpubbabhāgo. Na vihiṃsati kiñci etāyāti avihiṃsā. Karuṇāti appanāppattakaruṇā veditabbā. Tadupacāro karuṇāpubbabhāgo. Lāmakajananti khantiādīsu yonisomanasikārābhāvena gārayhasamācārasamāyogena ca nihīnaṃ janaṃ. Paccayaparisuddhiyā kodho abhimaddamāno puggalaṃ abhimaddati, tassa so paṭisaṅkhānabhāvanābalehi sammadeva pahātabboti.
અક્કોધસુત્તવણ્ણના નિટ્ઠિતા.
Akkodhasuttavaṇṇanā niṭṭhitā.
તતિયવગ્ગવણ્ણના નિટ્ઠિતા.
Tatiyavaggavaṇṇanā niṭṭhitā.
સારત્થપ્પકાસિનિયા સંયુત્તનિકાય-અટ્ઠકથાય
Sāratthappakāsiniyā saṃyuttanikāya-aṭṭhakathāya
સક્કસંયુત્તવણ્ણનાય લીનત્થપ્પકાસના સમત્તા.
Sakkasaṃyuttavaṇṇanāya līnatthappakāsanā samattā.
નિટ્ઠિતા ચ સારત્થપ્પકાસિનિયા
Niṭṭhitā ca sāratthappakāsiniyā
સંયુત્તનિકાય-અટ્ઠકથાય સગાથાવગ્ગવણ્ણના.
Saṃyuttanikāya-aṭṭhakathāya sagāthāvaggavaṇṇanā.
પઠમો ભાગો નિટ્ઠિતો.
Paṭhamo bhāgo niṭṭhito.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. અક્કોધસુત્તં • 5. Akkodhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫. અક્કોધસુત્તવણ્ણના • 5. Akkodhasuttavaṇṇanā
