| Library / Tipiṭaka / तिपिटक • Tipiṭaka / चरियापिटकपाळि • Cariyāpiṭakapāḷi |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
खुद्दकनिकाये
Khuddakanikāye
चरियापिटकपाळि
Cariyāpiṭakapāḷi
१. अकित्तिवग्गो
1. Akittivaggo
१. अकित्तिचरिया
1. Akitticariyā
१.
1.
‘‘कप्पे च सतसहस्से, चतुरो च असङ्खिये।
‘‘Kappe ca satasahasse, caturo ca asaṅkhiye;
एत्थन्तरे यं चरितं, सब्बं तं बोधिपाचनं॥
Etthantare yaṃ caritaṃ, sabbaṃ taṃ bodhipācanaṃ.
२.
2.
‘‘अतीतकप्पे चरितं, ठपयित्वा भवाभवे।
‘‘Atītakappe caritaṃ, ṭhapayitvā bhavābhave;
इमम्हि कप्पे चरितं, पवक्खिस्सं सुणोहि मे॥
Imamhi kappe caritaṃ, pavakkhissaṃ suṇohi me.
३.
3.
‘‘यदा अहं ब्रहारञ्ञे, सुञ्ञे विपिनकानने।
‘‘Yadā ahaṃ brahāraññe, suññe vipinakānane;
४.
4.
‘‘तदा मं तपतेजेन, सन्तत्तो तिदिवाभिभू।
‘‘Tadā maṃ tapatejena, santatto tidivābhibhū;
धारेन्तो ब्राह्मणवण्णं, भिक्खाय मं उपागमि॥
Dhārento brāhmaṇavaṇṇaṃ, bhikkhāya maṃ upāgami.
५.
5.
‘‘पवना आभतं पण्णं, अतेलञ्च अलोणिकं।
‘‘Pavanā ābhataṃ paṇṇaṃ, atelañca aloṇikaṃ;
मम द्वारे ठितं दिस्वा, सकटाहेन आकिरिं॥
Mama dvāre ṭhitaṃ disvā, sakaṭāhena ākiriṃ.
६.
6.
‘‘तस्स दत्वानहं पण्णं, निक्कुज्जित्वान भाजनं।
‘‘Tassa datvānahaṃ paṇṇaṃ, nikkujjitvāna bhājanaṃ;
पुनेसनं जहित्वान, पाविसिं पण्णसालकं॥
Punesanaṃ jahitvāna, pāvisiṃ paṇṇasālakaṃ.
७.
7.
‘‘दुतियम्पि ततियम्पि, उपगञ्छि ममन्तिकं।
‘‘Dutiyampi tatiyampi, upagañchi mamantikaṃ;
अकम्पितो अनोलग्गो, एवमेवमदासहं॥
Akampito anolaggo, evamevamadāsahaṃ.
८.
8.
‘‘न मे तप्पच्चया अत्थि, सरीरस्मिं विवण्णियं।
‘‘Na me tappaccayā atthi, sarīrasmiṃ vivaṇṇiyaṃ;
पीतिसुखेन रतिया, वीतिनामेमि तं दिवं॥
Pītisukhena ratiyā, vītināmemi taṃ divaṃ.
९.
9.
‘‘यदि मासम्पि द्वेमासं, दक्खिणेय्यं वरं लभे।
‘‘Yadi māsampi dvemāsaṃ, dakkhiṇeyyaṃ varaṃ labhe;
अकम्पितो अनोलीनो, ददेय्यं दानमुत्तमं॥
Akampito anolīno, dadeyyaṃ dānamuttamaṃ.
१०.
10.
‘‘न तस्स दानं ददमानो, यसं लाभञ्च पत्थयिं।
‘‘Na tassa dānaṃ dadamāno, yasaṃ lābhañca patthayiṃ;
सब्बञ्ञुतं पत्थयानो, तानि कम्मानि आचरि’’न्ति॥
Sabbaññutaṃ patthayāno, tāni kammāni ācari’’nti.
अकित्तिचरियं पठमं।
Akitticariyaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / चरियापिटक-अट्ठकथा • Cariyāpiṭaka-aṭṭhakathā / १. अकित्तिचरियावण्णना • 1. Akitticariyāvaṇṇanā
