| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२७. पदुमुक्खिपवग्गो
27. Padumukkhipavaggo
१. आकासुक्खिपियत्थेरअपदानं
1. Ākāsukkhipiyattheraapadānaṃ
१.
1.
‘‘सुवण्णवण्णं सिद्धत्थं, गच्छन्तं अन्तरापणे।
‘‘Suvaṇṇavaṇṇaṃ siddhatthaṃ, gacchantaṃ antarāpaṇe;
जलजग्गे दुवे गय्ह, उपागच्छिं नरासभं॥
Jalajagge duve gayha, upāgacchiṃ narāsabhaṃ.
२.
2.
‘‘एकञ्च पुप्फं पादेसु, बुद्धसेट्ठस्स निक्खिपिं।
‘‘Ekañca pupphaṃ pādesu, buddhaseṭṭhassa nikkhipiṃ;
एकञ्च पुप्फं पग्गय्ह, आकासे उक्खिपिं अहं॥
Ekañca pupphaṃ paggayha, ākāse ukkhipiṃ ahaṃ.
३.
3.
‘‘चतुन्नवुतितो कप्पे, यं पुप्फमभिरोपयिं।
‘‘Catunnavutito kappe, yaṃ pupphamabhiropayiṃ;
दुग्गतिं नाभिजानामि, पुप्फदानस्सिदं फलं॥
Duggatiṃ nābhijānāmi, pupphadānassidaṃ phalaṃ.
४.
4.
‘‘इतो छत्तिंसकप्पम्हि, एको आसिं महीपति।
‘‘Ito chattiṃsakappamhi, eko āsiṃ mahīpati;
अन्तलिक्खकरो नाम, चक्कवत्ती महब्बलो॥
Antalikkhakaro nāma, cakkavattī mahabbalo.
५.
5.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा आकासुक्खिपियो थेरो इमा गाथायो अभासित्थाति।
Itthaṃ sudaṃ āyasmā ākāsukkhipiyo thero imā gāthāyo abhāsitthāti.
आकासुक्खिपियत्थेरस्सापदानं पठमं।
Ākāsukkhipiyattherassāpadānaṃ paṭhamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. आकासुक्खिपियत्थेरअपदानादिवण्णना • 1-10. Ākāsukkhipiyattheraapadānādivaṇṇanā
