| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. तेलमक्खियत्थेरअपदानं
2. Telamakkhiyattheraapadānaṃ
६.
6.
‘‘सिद्धत्थम्हि भगवति, निब्बुतम्हि नरासभे।
‘‘Siddhatthamhi bhagavati, nibbutamhi narāsabhe;
बोधिया वेदिकायाहं, तेलं मक्खेसि तावदे॥
Bodhiyā vedikāyāhaṃ, telaṃ makkhesi tāvade.
७.
7.
‘‘चतुन्नवुतितो कप्पे, यं तेलं मक्खयिं तदा।
‘‘Catunnavutito kappe, yaṃ telaṃ makkhayiṃ tadā;
दुग्गतिं नाभिजानामि, मक्खनाय इदं फलं॥
Duggatiṃ nābhijānāmi, makkhanāya idaṃ phalaṃ.
८.
8.
‘‘चतुवीसे इतो कप्पे, सुच्छवि नाम खत्तियो।
‘‘Catuvīse ito kappe, succhavi nāma khattiyo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
९.
9.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा तेलमक्खियो थेरो इमा गाथायो अभासित्थाति।
Itthaṃ sudaṃ āyasmā telamakkhiyo thero imā gāthāyo abhāsitthāti.
तेलमक्खियत्थेरस्सापदानं दुतियं।
Telamakkhiyattherassāpadānaṃ dutiyaṃ.
