สํยุตฺต นิกาย ๓๕ฯ๒๐๗–๒๐๙

๑๗ฯ สฏฺฐิเปยฺยาลวคฺค

อชฺฌตฺตาตีตาทิยํทุกฺขสุตฺต

“จกฺขุ, ภิกฺขเว, ทุกฺขํ อตีตํ อนาคตํ ปจฺจุปฺปนฺนํฯ ยํ ทุกฺขํ, ตทนตฺตาฯ ยทนตฺตา, ตํ ‘เนตํ มม, เนโสหมสฺมิ, น เมโส อตฺตา'ติ เอวเมตํ ยถาภูตํ สมฺมปฺปญฺญาย ทฏฺฐพฺพํ …เป… ชิวฺหา ทุกฺขา …เป… มโน ทุกฺโข อตีโต อนาคโต ปจฺจุปฺปนฺโนฯ ยํ ทุกฺขํ, ตทนตฺตาฯ ยทนตฺตา, ตํ ‘เนตํ มม, เนโสหมสฺมิ, น เมโส อตฺตา'ติ เอวเมตํ ยถาภูตํ สมฺมปฺปญฺญาย ทฏฺฐพฺพํฯ

เอวํ ปสฺสํ …เป… นาปรํ อิตฺถตฺตายาติ ปชานาตี”ติฯ