| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. அஜிதத்தே²ரஅபதா³னங்
10. Ajitattheraapadānaṃ
484.
484.
‘‘பது³முத்தரோ நாம ஜினோ, ஸப்³ப³த⁴ம்மான பாரகூ³;
‘‘Padumuttaro nāma jino, sabbadhammāna pāragū;
அஜ்ஜோ²கா³ஹெத்வா ஹிமவந்தங், நிஸீதி³ லோகனாயகோ.
Ajjhogāhetvā himavantaṃ, nisīdi lokanāyako.
485.
485.
‘‘நாஹங் அத்³த³க்கி²ங் 1 ஸம்பு³த்³த⁴ங், நபி ஸத்³த³ங் ஸுணோமஹங்;
‘‘Nāhaṃ addakkhiṃ 2 sambuddhaṃ, napi saddaṃ suṇomahaṃ;
486.
486.
‘‘தத்த²த்³த³ஸ்ஸாஸிங் ஸம்பு³த்³த⁴ங், த்³வத்திங்ஸவரலக்க²ணங்;
‘‘Tatthaddassāsiṃ sambuddhaṃ, dvattiṃsavaralakkhaṇaṃ;
487.
487.
‘‘லக்க²ணானி விலோகெத்வா, மம விஜ்ஜங் அனுஸ்ஸரிங்;
‘‘Lakkhaṇāni viloketvā, mama vijjaṃ anussariṃ;
ஸுதஞ்ஹி மேதங் வுட்³டா⁴னங், பண்டி³தானங் ஸுபா⁴ஸிதங்.
Sutañhi metaṃ vuḍḍhānaṃ, paṇḍitānaṃ subhāsitaṃ.
488.
488.
‘‘தேஸங் யதா² தங் வசனங், அயங் பு³த்³தோ⁴ ப⁴விஸ்ஸதி;
‘‘Tesaṃ yathā taṃ vacanaṃ, ayaṃ buddho bhavissati;
யங்னூனாஹங் ஸக்கரெய்யங், க³திங் மே ஸோத⁴யிஸ்ஸதி.
Yaṃnūnāhaṃ sakkareyyaṃ, gatiṃ me sodhayissati.
489.
489.
‘‘கி²ப்பங் அஸ்ஸமமாக³ந்த்வா, மது⁴தேலங் க³ஹிங் அஹங்;
‘‘Khippaṃ assamamāgantvā, madhutelaṃ gahiṃ ahaṃ;
490.
490.
‘‘தித³ண்ட³கே க³ஹெத்வான, அப்³போ⁴காஸே ட²பேஸஹங்;
‘‘Tidaṇḍake gahetvāna, abbhokāse ṭhapesahaṃ;
பதீ³பங் பஜ்ஜலித்வான, அட்ட²க்க²த்துங் அவந்த³ஹங்.
Padīpaṃ pajjalitvāna, aṭṭhakkhattuṃ avandahaṃ.
491.
491.
‘‘ஸத்தரத்திந்தி³வங் பு³த்³தோ⁴, நிஸீதி³ புரிஸுத்தமோ;
‘‘Sattarattindivaṃ buddho, nisīdi purisuttamo;
ததோ ரத்யா விவஸானே, வுட்டா²ஸி லோகனாயகோ.
Tato ratyā vivasāne, vuṭṭhāsi lokanāyako.
492.
492.
‘‘பஸன்னசித்தோ ஸுமனோ, ஸப்³ப³ரத்திந்தி³வங் அஹங்;
‘‘Pasannacitto sumano, sabbarattindivaṃ ahaṃ;
தீ³பங் பு³த்³த⁴ஸ்ஸ பாதா³ஸிங், பஸன்னோ ஸேஹி பாணிபி⁴.
Dīpaṃ buddhassa pādāsiṃ, pasanno sehi pāṇibhi.
493.
493.
‘‘ஸப்³பே³ வனா க³ந்த⁴மயா, பப்³ப³தே க³ந்த⁴மாத³னே;
‘‘Sabbe vanā gandhamayā, pabbate gandhamādane;
பு³த்³த⁴ஸ்ஸ ஆனுபா⁴வேன, ஆக³ச்சு²ங் பு³த்³த⁴ஸந்திகங் 9.
Buddhassa ānubhāvena, āgacchuṃ buddhasantikaṃ 10.
494.
494.
‘‘யே கேசி புப்ப²க³ந்தா⁴ஸே, புப்பி²தா த⁴ரணீருஹா;
‘‘Ye keci pupphagandhāse, pupphitā dharaṇīruhā;
பு³த்³த⁴ஸ்ஸ ஆனுபா⁴வேன, ஸப்³பே³ ஸன்னிபதுங் ததா³.
Buddhassa ānubhāvena, sabbe sannipatuṃ tadā.
495.
495.
‘‘யாவதா ஹிமவந்தம்ஹி, நாகா³ ச க³ருளா உபோ⁴;
‘‘Yāvatā himavantamhi, nāgā ca garuḷā ubho;
த⁴ம்மஞ்ச ஸோதுகாமா தே, ஆக³ச்சு²ங் பு³த்³த⁴ஸந்திகங்.
Dhammañca sotukāmā te, āgacchuṃ buddhasantikaṃ.
496.
496.
‘‘தே³வலோ நாம ஸமணோ, பு³த்³த⁴ஸ்ஸ அக்³க³ஸாவகோ;
‘‘Devalo nāma samaṇo, buddhassa aggasāvako;
வஸீஸதஸஹஸ்ஸேஹி, பு³த்³த⁴ஸந்திகுபாக³மி.
Vasīsatasahassehi, buddhasantikupāgami.
497.
497.
‘‘பது³முத்தரோ லோகவிதூ³, ஆஹுதீனங் படிக்³க³ஹோ;
‘‘Padumuttaro lokavidū, āhutīnaṃ paṭiggaho;
பி⁴க்கு²ஸங்கே⁴ நிஸீதி³த்வா, இமா கா³தா² அபா⁴ஸத².
Bhikkhusaṅghe nisīditvā, imā gāthā abhāsatha.
498.
498.
‘‘‘யோ மே தீ³பங் பதீ³பேஸி, பஸன்னோ ஸேஹி பாணிபி⁴;
‘‘‘Yo me dīpaṃ padīpesi, pasanno sehi pāṇibhi;
தமஹங் கித்தயிஸ்ஸாமி, ஸுணாத² மம பா⁴ஸதோ.
Tamahaṃ kittayissāmi, suṇātha mama bhāsato.
499.
499.
‘‘‘ஸட்டி² கப்பஸஹஸ்ஸானி, தே³வலோகே ரமிஸ்ஸதி;
‘‘‘Saṭṭhi kappasahassāni, devaloke ramissati;
ஸஹஸ்ஸக்க²த்துங் ராஜா ச, சக்கவத்தீ ப⁴விஸ்ஸதி.
Sahassakkhattuṃ rājā ca, cakkavattī bhavissati.
ஸோளஸமங் பா⁴ணவாரங்.
Soḷasamaṃ bhāṇavāraṃ.
500.
500.
‘‘‘ச²த்திஸக்க²த்துங் தே³விந்தோ³, தே³வரஜ்ஜங் கரிஸ்ஸதி;
‘‘‘Chattisakkhattuṃ devindo, devarajjaṃ karissati;
பத²வியங் ஸத்தஸதங், விபுலங் ரஜ்ஜங் கரிஸ்ஸதி.
Pathaviyaṃ sattasataṃ, vipulaṃ rajjaṃ karissati.
501.
501.
‘‘‘பதே³ஸரஜ்ஜங் விபுலங், க³ணனாதோ அஸங்கி²யங்;
‘‘‘Padesarajjaṃ vipulaṃ, gaṇanāto asaṅkhiyaṃ;
இமினா தீ³பதா³னேன, தி³ப்³ப³சக்கு² ப⁴விஸ்ஸதி.
Iminā dīpadānena, dibbacakkhu bhavissati.
502.
502.
தே³வலோகா சவந்தஸ்ஸ, நிப்³ப³த்தந்தஸ்ஸ ஜந்துனோ.
Devalokā cavantassa, nibbattantassa jantuno.
503.
503.
‘‘‘தி³வா வா யதி³ வா ரத்திங், பதீ³பங் தா⁴ரயிஸ்ஸதி;
‘‘‘Divā vā yadi vā rattiṃ, padīpaṃ dhārayissati;
ஜாயமானஸ்ஸ ஸத்தஸ்ஸ, புஞ்ஞகம்மஸமங்கி³னோ.
Jāyamānassa sattassa, puññakammasamaṅgino.
504.
504.
‘‘‘யாவதா நக³ரங் ஆஸி, தாவதா ஜோதயிஸ்ஸதி;
‘‘‘Yāvatā nagaraṃ āsi, tāvatā jotayissati;
உபபஜ்ஜதி யங் யோனிங், தே³வத்தங் அத² மானுஸங்.
Upapajjati yaṃ yoniṃ, devattaṃ atha mānusaṃ.
505.
505.
506.
506.
‘‘‘கப்பஸதஸஹஸ்ஸம்ஹி , ஓக்காககுலஸம்ப⁴வோ;
‘‘‘Kappasatasahassamhi , okkākakulasambhavo;
கோ³தமோ நாம கொ³த்தேன, ஸத்தா² லோகே ப⁴விஸ்ஸதி.
Gotamo nāma gottena, satthā loke bhavissati.
507.
507.
‘‘‘தஸ்ஸ த⁴ம்மேஸு தா³யாதோ³, ஓரஸோ த⁴ம்மனிம்மிதோ;
‘‘‘Tassa dhammesu dāyādo, oraso dhammanimmito;
ஸப்³பா³ஸவே பரிஞ்ஞாய, நிப்³பா³யிஸ்ஸதினாஸவோ.
Sabbāsave pariññāya, nibbāyissatināsavo.
508.
508.
‘‘‘தோஸயித்வான ஸம்பு³த்³த⁴ங், கோ³தமங் ஸக்யபுங்க³வங்;
‘‘‘Tosayitvāna sambuddhaṃ, gotamaṃ sakyapuṅgavaṃ;
அஜிதோ நாம நாமேன, ஹெஸ்ஸதி ஸத்து² ஸாவகோ’.
Ajito nāma nāmena, hessati satthu sāvako’.
509.
509.
‘‘ஸட்டி² கப்பஸஹஸ்ஸானி, தே³வலோகே ரமிங் அஹங்;
‘‘Saṭṭhi kappasahassāni, devaloke ramiṃ ahaṃ;
510.
510.
‘‘தே³வலோகே மனுஸ்ஸே வா, நித்³தா⁴வந்தி பபா⁴ மம;
‘‘Devaloke manusse vā, niddhāvanti pabhā mama;
பு³த்³த⁴ஸெட்ட²ங் ஸரித்வான, பி⁴ய்யோ ஹாஸங் ஜனேஸஹங்.
Buddhaseṭṭhaṃ saritvāna, bhiyyo hāsaṃ janesahaṃ.
511.
511.
‘‘துஸிதாஹங் சவித்வான, ஓக்கமிங் மாதுகுச்சி²யங்;
‘‘Tusitāhaṃ cavitvāna, okkamiṃ mātukucchiyaṃ;
ஜாயமானஸ்ஸ ஸந்தஸ்ஸ, ஆலோகோ விபுலோ அஹு.
Jāyamānassa santassa, āloko vipulo ahu.
512.
512.
‘‘அகா³ரா அபி⁴னிக்க²ம்ம, பப்³ப³ஜிங் அனகா³ரியங்;
‘‘Agārā abhinikkhamma, pabbajiṃ anagāriyaṃ;
பா³வரிங் உபஸங்கம்ம, ஸிஸ்ஸத்தங் அஜ்ஜு²பாக³மிங்.
Bāvariṃ upasaṅkamma, sissattaṃ ajjhupāgamiṃ.
513.
513.
‘‘ஹிமவந்தே வஸந்தோஹங், அஸ்ஸோஸிங் லோகனாயகங்;
‘‘Himavante vasantohaṃ, assosiṃ lokanāyakaṃ;
உத்தமத்த²ங் க³வேஸந்தோ, உபக³ச்சி²ங் வினாயகங்.
Uttamatthaṃ gavesanto, upagacchiṃ vināyakaṃ.
514.
514.
‘‘த³ந்தோ பு³த்³தோ⁴ த³மேதாவீ, ஓக⁴திண்ணோ நிரூபதி⁴;
‘‘Danto buddho dametāvī, oghatiṇṇo nirūpadhi;
நிப்³பா³னங் கத²யீ பு³த்³தோ⁴, ஸப்³ப³து³க்க²ப்பமோசனங்.
Nibbānaṃ kathayī buddho, sabbadukkhappamocanaṃ.
515.
515.
‘‘தங் மே ஆக³மனங் ஸித்³த⁴ங், தோஸிதோஹங் மஹாமுனிங்;
‘‘Taṃ me āgamanaṃ siddhaṃ, tositohaṃ mahāmuniṃ;
திஸ்ஸோ விஜ்ஜா அனுப்பத்தா, கதங் பு³த்³த⁴ஸ்ஸ ஸாஸனங்.
Tisso vijjā anuppattā, kataṃ buddhassa sāsanaṃ.
516.
516.
‘‘ஸதஸஹஸ்ஸிதோ கப்பே, யங் தீ³பமத³தி³ங் ததா³;
‘‘Satasahassito kappe, yaṃ dīpamadadiṃ tadā;
து³க்³க³திங் நாபி⁴ஜானாமி, தீ³பதா³னஸ்ஸித³ங் ப²லங்.
Duggatiṃ nābhijānāmi, dīpadānassidaṃ phalaṃ.
517.
517.
‘‘கிலேஸா ஜா²பிதா மய்ஹங்…பே॰… விஹராமி அனாஸவோ.
‘‘Kilesā jhāpitā mayhaṃ…pe… viharāmi anāsavo.
518.
518.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
519.
519.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா அஜிதோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā ajito thero imā gāthāyo abhāsitthāti.
அஜிதத்தே²ரஸ்ஸாபதா³னங் த³ஸமங்.
Ajitattherassāpadānaṃ dasamaṃ.
பிலிந்த³வச்ச²வக்³கோ³ சத்தாலீஸமோ.
Pilindavacchavaggo cattālīsamo.
தஸ்ஸுத்³தா³னங் –
Tassuddānaṃ –
பிலிந்த³வச்சோ² ஸேலோ ச, ஸப்³ப³கித்தீ மது⁴ங்த³தோ³;
Pilindavaccho selo ca, sabbakittī madhuṃdado;
கூடாகா³ரீ பா³குலோ ச, கி³ரி ஸளலஸவ்ஹயோ.
Kūṭāgārī bākulo ca, giri saḷalasavhayo.
ஸப்³ப³தோ³ அஜிதோ சேவ, கா³தா²யோ க³ணிதா இஹ;
Sabbado ajito ceva, gāthāyo gaṇitā iha;
ஸதானி பஞ்ச கா³தா²னங், வீஸதி ச தது³த்தரீதி.
Satāni pañca gāthānaṃ, vīsati ca taduttarīti.
அத² வக்³கு³த்³தா³னங் –
Atha vagguddānaṃ –
பது³மாரக்க²தோ³ சேவ, உமா க³ந்தோ⁴த³கேன ச;
Padumārakkhado ceva, umā gandhodakena ca;
ஏகபத்³ம ஸத்³த³ஸஞ்ஞீ, மந்தா³ரங் போ³தி⁴வந்த³கோ.
Ekapadma saddasaññī, mandāraṃ bodhivandako.
சதுஸத்ததி கா³தா²யோ, ஏகாத³ஸ ஸதானி ச.
Catusattati gāthāyo, ekādasa satāni ca.
பது³மவக்³க³த³ஸகங்.
Padumavaggadasakaṃ.
சதுத்த²ஸதகங் ஸமத்தங்.
Catutthasatakaṃ samattaṃ.
Footnotes:
