| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
१०. आघातपटिविनयसुत्तं
10. Āghātapaṭivinayasuttaṃ
३०. 1 ‘‘नवयिमे, भिक्खवे, आघातपटिविनया। कतमे नव? ‘अनत्थं मे अचरि 2, तं कुतेत्थ लब्भा’ति आघातं पटिविनेति; ‘अनत्थं मे चरति, तं कुतेत्थ लब्भा’ति आघातं पटिविनेति; ‘अनत्थं मे चरिस्सति, तं कुतेत्थ लब्भा’ति आघातं पटिविनेति; पियस्स मे मनापस्स अनत्थं अचरि…पे॰… अनत्थं चरति…पे॰… ‘अनत्थं चरिस्सति, तं कुतेत्थ लब्भा’ति आघातं पटिविनेति; अप्पियस्स मे अमनापस्स अत्थं अचरि…पे॰… अत्थं चरति…पे॰… ‘अत्थं चरिस्सति, तं कुतेत्थ लब्भा’ति आघातं पटिविनेति। इमे खो, भिक्खवे, नव आघातपटिविनया’’ति। दसमं।
30.3 ‘‘Navayime, bhikkhave, āghātapaṭivinayā. Katame nava? ‘Anatthaṃ me acari 4, taṃ kutettha labbhā’ti āghātaṃ paṭivineti; ‘anatthaṃ me carati, taṃ kutettha labbhā’ti āghātaṃ paṭivineti; ‘anatthaṃ me carissati, taṃ kutettha labbhā’ti āghātaṃ paṭivineti; piyassa me manāpassa anatthaṃ acari…pe… anatthaṃ carati…pe… ‘anatthaṃ carissati, taṃ kutettha labbhā’ti āghātaṃ paṭivineti; appiyassa me amanāpassa atthaṃ acari…pe… atthaṃ carati…pe… ‘atthaṃ carissati, taṃ kutettha labbhā’ti āghātaṃ paṭivineti. Ime kho, bhikkhave, nava āghātapaṭivinayā’’ti. Dasamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १०-११. आघातपटिविनयसुत्तादिवण्णना • 10-11. Āghātapaṭivinayasuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १०. आघातपटिविनयसुत्तवण्णना • 10. Āghātapaṭivinayasuttavaṇṇanā
