| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
११. अनुपुब्बनिरोधसुत्तं
11. Anupubbanirodhasuttaṃ
३१. ‘‘नवयिमे, भिक्खवे, अनुपुब्बनिरोधा। कतमे नव? पठमं झानं समापन्नस्स कामसञ्ञा 1 निरुद्धा होति; दुतियं झानं समापन्नस्स वितक्कविचारा निरुद्धा होन्ति; ततियं झानं समापन्नस्स पीति निरुद्धा होति; चतुत्थं झानं समापन्नस्स अस्सासपस्सासा निरुद्धा होन्ति; आकासानञ्चायतनं समापन्नस्स रूपसञ्ञा निरुद्धा होति; विञ्ञाणञ्चायतनं समापन्नस्स आकासानञ्चायतनसञ्ञा निरुद्धा होति; आकिञ्चञ्ञायतनं समापन्नस्स विञ्ञाणञ्चायतनसञ्ञा निरुद्धा होति ; नेवसञ्ञानासञ्ञायतनं समापन्नस्स आकिञ्चञ्ञायतनसञ्ञा निरुद्धा होति; सञ्ञावेदयितनिरोधं समापन्नस्स सञ्ञा च वेदना च निरुद्धा होन्ति। इमे खो, भिक्खवे, नव अनुपुब्बनिरोधा’’ति 2। एकादसमं।
31. ‘‘Navayime, bhikkhave, anupubbanirodhā. Katame nava? Paṭhamaṃ jhānaṃ samāpannassa kāmasaññā 3 niruddhā hoti; dutiyaṃ jhānaṃ samāpannassa vitakkavicārā niruddhā honti; tatiyaṃ jhānaṃ samāpannassa pīti niruddhā hoti; catutthaṃ jhānaṃ samāpannassa assāsapassāsā niruddhā honti; ākāsānañcāyatanaṃ samāpannassa rūpasaññā niruddhā hoti; viññāṇañcāyatanaṃ samāpannassa ākāsānañcāyatanasaññā niruddhā hoti; ākiñcaññāyatanaṃ samāpannassa viññāṇañcāyatanasaññā niruddhā hoti ; nevasaññānāsaññāyatanaṃ samāpannassa ākiñcaññāyatanasaññā niruddhā hoti; saññāvedayitanirodhaṃ samāpannassa saññā ca vedanā ca niruddhā honti. Ime kho, bhikkhave, nava anupubbanirodhā’’ti 4. Ekādasamaṃ.
सत्तावासवग्गो ततियो।
Sattāvāsavaggo tatiyo.
तस्सुद्दानं –
Tassuddānaṃ –
तिठानं खळुङ्को तण्हा, सत्तपञ्ञा सिलायुपो।
Tiṭhānaṃ khaḷuṅko taṇhā, sattapaññā silāyupo;
द्वे वेरा द्वे आघातानि, अनुपुब्बनिरोधेन चाति॥
Dve verā dve āghātāni, anupubbanirodhena cāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १०-११. आघातपटिविनयसुत्तादिवण्णना • 10-11. Āghātapaṭivinayasuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ११. अनुपुब्बनिरोधसुत्तवण्णना • 11. Anupubbanirodhasuttavaṇṇanā
