| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. អគ្គបុប្ផិយត្ថេរអបទានំ
10. Aggapupphiyattheraapadānaṃ
៣៧.
37.
‘‘សុវណ្ណវណ្ណំ សម្ពុទ្ធំ, និសិន្នំ បព្ពតន្តរេ;
‘‘Suvaṇṇavaṇṇaṃ sambuddhaṃ, nisinnaṃ pabbatantare;
៣៨.
38.
‘‘អគ្គជំ បុប្ផមាទាយ, ឧបាគច្ឆិំ នរុត្តមំ;
‘‘Aggajaṃ pupphamādāya, upāgacchiṃ naruttamaṃ;
បសន្នចិត្តោ សុមនោ, ពុទ្ធស្ស អភិរោបយិំ។
Pasannacitto sumano, buddhassa abhiropayiṃ.
៣៩.
39.
‘‘ឯកត្តិំសេ ឥតោ កប្បេ, យំ បុប្ផមភិបូជយិំ;
‘‘Ekattiṃse ito kappe, yaṃ pupphamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៤០.
40.
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៤១.
41.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា អគ្គបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā aggapupphiyo thero imā gāthāyo abhāsitthāti.
អគ្គបុប្ផិយត្ថេរស្សាបទានំ ទសមំ។
Aggapupphiyattherassāpadānaṃ dasamaṃ.
ថោមកវគ្គោ ឆព្ពីសតិមោ។
Thomakavaggo chabbīsatimo.
តស្សុទ្ទានំ –
Tassuddānaṃ –
ថោមកេកាសនចិតកំ, ចម្បកោ សត្តបាដលិ;
Thomakekāsanacitakaṃ, campako sattapāṭali;
គាថាយោ គណិតា ចេត្ថ, ឯកតាលីសមេវ ចាតិ។
Gāthāyo gaṇitā cettha, ekatālīsameva cāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ថោមកត្ថេរអបទានាទិវណ្ណនា • 1-10. Thomakattheraapadānādivaṇṇanā
