| Library / Tipiṭaka / ཏིཔིཊཀ • Tipiṭaka / པརིཝཱར-ཨཊྛཀཐཱ • Parivāra-aṭṭhakathā |
ཨགཏིཨགནྟབྦཝཎྞནཱ
Agatiagantabbavaṇṇanā
༣༧༩. བཧུཛནཨཧིཏཱཡ པཊིཔནྣོ ཧོཏཱིཏི ཝིནཡདྷརེན ཧི ཨེཝཾ ཚནྡཱདིགཏིཡཱ ཨདྷིཀརཎེ ཝིནིཙྪིཏེ ཏསྨིཾ ཝིཧཱརེ སངྒྷོ དྭིདྷཱ བྷིཛྫཏི། ཨོཝཱདཱུཔཛཱིཝིནིཡོ བྷིཀྑུནིཡོཔི དྭེ བྷཱགཱ ཧོནྟི། ཨུཔཱསཀཱཔི ཨུཔཱསིཀཱཡོཔི དཱརཀཱཔི དཱརིཀཱཡོཔི ཏེསཾ ཨཱརཀྑདེཝཏཱཔི ཏཐེཝ དྭིདྷཱ བྷིཛྫནྟི། ཏཏོ བྷུམྨདེཝཏཱ ཨཱདིཾ ཀཏྭཱ ཡཱཝ ཨཀནིཊྛབྲཧྨཱནོ དྭིདྷཱཝ ཧོནྟི། ཏེན ཝུཏྟཾ – ‘‘བཧུཛནཨཧིཏཱཡ པཊིཔནྣོ ཧོཏི…པེ॰… དུཀྑཱཡ དེཝམནུསྶཱན’’ནྟི།
379.Bahujanaahitāyapaṭipanno hotīti vinayadharena hi evaṃ chandādigatiyā adhikaraṇe vinicchite tasmiṃ vihāre saṅgho dvidhā bhijjati. Ovādūpajīviniyo bhikkhuniyopi dve bhāgā honti. Upāsakāpi upāsikāyopi dārakāpi dārikāyopi tesaṃ ārakkhadevatāpi tatheva dvidhā bhijjanti. Tato bhummadevatā ādiṃ katvā yāva akaniṭṭhabrahmāno dvidhāva honti. Tena vuttaṃ – ‘‘bahujanaahitāya paṭipanno hoti…pe… dukkhāya devamanussāna’’nti.
༣༨༢. ཝིསམནིསྶིཏོཏི ཝིསམཱནི ཀཱཡཀམྨཱདཱིནི ནིསྶིཏོ། གཧནནིསྶིཏོཏི མིཙྪཱདིཊྛིཨནྟགྒཱཧིཀདིཊྛིསངྑཱཏཾ གཧནཾ ནིསྶིཏོ། བལཝནིསྶིཏོཏི བལཝནྟེ ཨབྷིཉྙཱཏེ བྷིཀྑཱུ ནིསྶིཏོ།
382.Visamanissitoti visamāni kāyakammādīni nissito. Gahananissitoti micchādiṭṭhiantaggāhikadiṭṭhisaṅkhātaṃ gahanaṃ nissito. Balavanissitoti balavante abhiññāte bhikkhū nissito.
༣༩༣. ཏསྶ ཨཝཛཱནནྟོཏི ཏསྶ ཝཙནཾ ཨཝཛཱནནྟོ། ཨུཔཡོགཏྠེ ཝཱ སཱམིཝཙནཾ, ཏཾ ཨཝཛཱནནྟོཏི ཨཏྠོ།
393.Tassa avajānantoti tassa vacanaṃ avajānanto. Upayogatthe vā sāmivacanaṃ, taṃ avajānantoti attho.
༣༩༤. ཡཾ ཨཏྠཱཡཱཏི ཡདཏྠཱཡ། ཏཾ ཨཏྠནྟི སོ ཨཏྠོ། སེསཾ སབྦཏྠ ཨུཏྟཱནམེཝཱཏི།
394.Yaṃ atthāyāti yadatthāya. Taṃ atthanti so attho. Sesaṃ sabbattha uttānamevāti.
མཧཱསངྒཱམཝཎྞནཱ ནིཊྛིཏཱ།
Mahāsaṅgāmavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi
༢. ཨགཏིཨགནྟབྦོ • 2. Agatiagantabbo
༥. པརཔཀྑཱདིཨཝཛཱནནཾ • 5. Parapakkhādiavajānanaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཝོཧརནྟེན ཛཱནིཏབྦཱདིཝཎྞནཱ • Voharantena jānitabbādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཨགཏིཨགནྟབྦཝཎྞནཱ • Agatiagantabbavaṇṇanā
