| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၅. မုဏ္ဍရာဇဝဂ္ဂော
5. Muṇḍarājavaggo
၁. အာဒိယသုတ္တဝဏ္ဏနာ
1. Ādiyasuttavaṇṇanā
၄၁. ပဉ္စမသ္သ ပဌမေ ဘောဂာနံ အာဒိယာတိ ဘောဂာနံ အာဒာတဗ္ဗကာရဏာနိ။ ဥဋ္ဌာနဝီရိယာဓိဂတေဟီတိ ဥဋ္ဌာနသင္ခာတေန ဝီရိယေန အဓိဂတေဟိ။ ဗာဟာဗလပရိစိတေဟီတိ ဗာဟုဗလေန သဉ္စိတေဟိ။ သေဒာဝက္ခိတ္တေဟီတိ သေဒံ အဝက္ခိပေတ္ဝာ ဥပ္ပာဒိတေဟိ။ ဓမ္မိကေဟီတိ ဓမ္မယုတ္တေဟိ။ ဓမ္မလဒ္ဓေဟီတိ ဒသကုသလကမ္မံ အကောပေတ္ဝာ လဒ္ဓေဟိ။ ပီဏေတီတိ ပီဏိတံ ထူလံ ကရောတိ။ သေသမေတ္ထ စတုက္ကနိပာတေ ဝုတ္တနယေနေဝ ဝေဒိတဗ္ဗံ။ ဒုတိယံ ဥတ္တာနတ္ထမေဝ။
41. Pañcamassa paṭhame bhogānaṃ ādiyāti bhogānaṃ ādātabbakāraṇāni. Uṭṭhānavīriyādhigatehīti uṭṭhānasaṅkhātena vīriyena adhigatehi. Bāhābalaparicitehīti bāhubalena sañcitehi. Sedāvakkhittehīti sedaṃ avakkhipetvā uppāditehi. Dhammikehīti dhammayuttehi. Dhammaladdhehīti dasakusalakammaṃ akopetvā laddhehi. Pīṇetīti pīṇitaṃ thūlaṃ karoti. Sesamettha catukkanipāte vuttanayeneva veditabbaṃ. Dutiyaṃ uttānatthameva.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. အာဒိယသုတ္တံ • 1. Ādiyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၂. အာဒိယသုတ္တာဒိဝဏ္ဏနာ • 1-2. Ādiyasuttādivaṇṇanā
