| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৪২৪. আদিত্তজাতকং (৮)
424. Ādittajātakaṃ (8)
৬৯.
69.
আদিত্তস্মিং অগারস্মিং, যং নীহরতি ভাজনং।
Ādittasmiṃ agārasmiṃ, yaṃ nīharati bhājanaṃ;
তং তস্স হোতি অত্থায, নো চ যং তত্থ ডয্হতি॥
Taṃ tassa hoti atthāya, no ca yaṃ tattha ḍayhati.
৭০.
70.
এৰামাদীপিতো লোকো, জরায মরণেন চ।
Evāmādīpito loko, jarāya maraṇena ca;
৭১.
71.
যো ধম্মলদ্ধস্স দদাতি দানং, উট্ঠানৰীরিযাধিগতস্স জন্তু।
Yo dhammaladdhassa dadāti dānaṃ, uṭṭhānavīriyādhigatassa jantu;
অতিক্কম্ম সো ৰেতরণিং 3 যমস্স, দিব্বানি ঠানানি উপেতি মচ্চো॥
Atikkamma so vetaraṇiṃ 4 yamassa, dibbāni ṭhānāni upeti macco.
৭২.
72.
দানঞ্চ যুদ্ধঞ্চ সমানমাহু, অপ্পাপি সন্তা বহুকে জিনন্তি।
Dānañca yuddhañca samānamāhu, appāpi santā bahuke jinanti;
অপ্পম্পি চে সদ্দহানো দদাতি, তেনেৰ সো হোতি সুখী পরত্থ॥
Appampi ce saddahāno dadāti, teneva so hoti sukhī parattha.
৭৩.
73.
ৰিচেয্য দানং সুগতপ্পসত্থং, যে দক্খিণেয্যা ইধ জীৰলোকে।
Viceyya dānaṃ sugatappasatthaṃ, ye dakkhiṇeyyā idha jīvaloke;
এতেসু দিন্নানি মহপ্ফলানি, বীজানি ৰুত্তানি যথা সুখেত্তে॥
Etesu dinnāni mahapphalāni, bījāni vuttāni yathā sukhette.
৭৪.
74.
যো পাণভূতানি অহেঠযং চরং, পরূপৰাদা ন করোতি পাপং।
Yo pāṇabhūtāni aheṭhayaṃ caraṃ, parūpavādā na karoti pāpaṃ;
ভীরুং পসংসন্তি ন তত্থ সূরং, ভযা হি সন্তো ন করোন্তি পাপং॥
Bhīruṃ pasaṃsanti na tattha sūraṃ, bhayā hi santo na karonti pāpaṃ.
৭৫.
75.
হীনেন ব্রহ্মচরিযেন, খত্তিযে উপপজ্জতি।
Hīnena brahmacariyena, khattiye upapajjati;
মজ্ঝিমেন চ দেৰত্তং, উত্তমেন ৰিসুজ্ঝতি॥
Majjhimena ca devattaṃ, uttamena visujjhati.
৭৬.
76.
অদ্ধা হি দানং বহুধা পসত্থং, দানা চ খো ধম্মপদংৰ সেয্যো।
Addhā hi dānaṃ bahudhā pasatthaṃ, dānā ca kho dhammapadaṃva seyyo;
পুব্বেৰ হি পুব্বতরেৰ সন্তো 5, নিব্বানমেৰজ্ঝগমুং সপঞ্ঞাতি॥
Pubbeva hi pubbatareva santo 6, nibbānamevajjhagamuṃ sapaññāti.
আদিত্তজাতকং অট্ঠমং।
Ādittajātakaṃ aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪২৪] ৮. আদিত্তজাতকৰণ্ণনা • [424] 8. Ādittajātakavaṇṇanā
