| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၆. အဓိကရဏဝာရော
6. Adhikaraṇavāro
၂၄၄. အဝသ္သုတာ ဘိက္ခုနိယာ အဝသ္သုတသ္သ ပုရိသပုဂ္ဂလသ္သ ကာယသံသဂ္ဂံ သာဒိယန္တိယာ အာပတ္တိယော စတုန္နံ အဓိကရဏာနံ ကတမံ အဓိကရဏံ? အဝသ္သုတာယ ဘိက္ခုနိယာ အဝသ္သုတသ္သ ပုရိသပုဂ္ဂလသ္သ ကာယသံသဂ္ဂံ သာဒိယန္တိယာ အာပတ္တိယော စတုန္နံ အဓိကရဏာနံ – အာပတ္တာဓိကရဏံ။ပေ.။။
244. Avassutā bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ adhikaraṇānaṃ katamaṃ adhikaraṇaṃ? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ adhikaraṇānaṃ – āpattādhikaraṇaṃ…pe….
ဒဓိံ ဝိညာပေတ္ဝာ ဘုဉ္ဇန္တိယာ အာပတ္တိယော စတုန္နံ အဓိကရဏာနံ ကတမံ အဓိကရဏံ? ဒဓိံ ဝိညာပေတ္ဝာ ဘုဉ္ဇန္တိယာ အာပတ္တိယော စတုန္နံ အဓိကရဏာနံ – အာပတ္တာဓိကရဏံ။
Dadhiṃ viññāpetvā bhuñjantiyā āpattiyo catunnaṃ adhikaraṇānaṃ katamaṃ adhikaraṇaṃ? Dadhiṃ viññāpetvā bhuñjantiyā āpattiyo catunnaṃ adhikaraṇānaṃ – āpattādhikaraṇaṃ.
အဓိကရဏဝာရော နိဋ္ဌိတော ဆဋ္ဌော။
Adhikaraṇavāro niṭṭhito chaṭṭho.
