| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၇. သမထဝာရော
7. Samathavāro
၂၄၅. အဝသ္သုတာယ ဘိက္ခုနိယာ အဝသ္သုတသ္သ ပုရိသပုဂ္ဂလသ္သ ကာယသံသဂ္ဂံ သာဒိယန္တိယာ အာပတ္တိယော သတ္တန္နံ သမထာနံ ကတိဟိ သမထေဟိ သမ္မန္တိ? အဝသ္သုတာယ ဘိက္ခုနိယာ အဝသ္သုတသ္သ ပုရိသပုဂ္ဂလသ္သ ကာယသံသဂ္ဂံ သာဒိယန္တိယာ အာပတ္တိယော သတ္တန္နံ သမထာနံ တီဟိ သမထေဟိ သမ္မန္တိ – သိယာ သမ္မုခာဝိနယေန စ ပဋိညာတကရဏေန စ, သိယာ သမ္မုခာဝိနယေန စ တိဏဝတ္ထာရကေန စ။ပေ.။။
245. Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo sattannaṃ samathānaṃ katihi samathehi sammanti? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca…pe….
ဒဓိံ ဝိညာပေတ္ဝာ ဘုဉ္ဇန္တိယာ အာပတ္တိယော သတ္တန္နံ သမထာနံ ကတိဟိ သမထေဟိ သမ္မန္တိ? ဒဓိံ ဝိညာပေတ္ဝာ ဘုဉ္ဇန္တိယာ အာပတ္တိယော သတ္တန္နံ သမထာနံ တီဟိ သမထေဟိ သမ္မန္တိ – သိယာ သမ္မုခာဝိနယေန စ ပဋိညာတကရဏေန စ, သိယာ သမ္မုခာဝိနယေန စ တိဏဝတ္ထာရကေန စ။
Dadhiṃ viññāpetvā bhuñjantiyā āpattiyo sattannaṃ samathānaṃ katihi samathehi sammanti? Dadhiṃ viññāpetvā bhuñjantiyā āpattiyo sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
သမထဝာရော နိဋ္ဌိတော သတ္တမော။
Samathavāro niṭṭhito sattamo.
