| Library / Tipiṭaka / តិបិដក • Tipiṭaka / វិនយវិនិច្ឆយ-ដីកា • Vinayavinicchaya-ṭīkā |
អធិករណបច្ចយកថាវណ្ណនា
Adhikaraṇapaccayakathāvaṇṇanā
២៨៥. វិវាទាធិករណម្ហាតិ ‘‘អធម្មំ ‘ធម្មោ’តិ ទីបេតី’’តិអាទិនយប្បវត្តា អដ្ឋារសភេទករវត្ថុនិស្សិតា វិវាទាធិករណម្ហា។
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
២៨៦. ឧបសម្បន្នំ ឱមសតោ ភិក្ខុស្ស បាចិត្តិ ហោតីតិ យោជនា។
286. Upasampannaṃ omasato bhikkhussa pācitti hotīti yojanā.
២៨៧. អនុវាទាធិករណបច្ចយាតិ ចោទនាបរនាមធេយ្យំ អនុវាទាធិករណមេវ បច្ចយោ, តស្មា, អនុវាទនាធិករណហេតូតិ អត្ថោ។
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
២៨៩. ‘‘តថា’’តិ ឥមិនា អមូលកត្តំ អតិទិសតិ។
289.‘‘Tathā’’ti iminā amūlakattaṃ atidisati.
២៩០. អាបត្តិបច្ចយាតិ អាបត្តាធិករណបច្ចយា។
290.Āpattipaccayāti āpattādhikaraṇapaccayā.
២៩៣. កិច្ចាធិករណបច្ចយាតិ អបលោកនាទិចតុព្ពិធកម្មសង្ខាតកិច្ចាធិករណហេតុ។
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
២៩៤. អច្ចជន្តីវាតិ អត្តនោ លទ្ធិំ អបរិច្ចជន្តី ឯវ។
294.Accajantīvāti attano laddhiṃ apariccajantī eva.
២៩៧. បាបិកាយ ទិដ្ឋិយា បរិច្ចជនត្ថាយ កតាយ យាវតតិយកំ សមនុភាសនាយ តំ ទិដ្ឋិំ អច្ចជន្តិយា តស្សា ភិក្ខុនិយា, តស្ស ភិក្ខុស្ស ច អច្ចជតោ បាចិត្តិ ហោតីតិ យោជនា។
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
ឥតិ ឧត្តរេ លីនត្ថបកាសនិយា
Iti uttare līnatthapakāsaniyā
អធិករណបច្ចយកថាវណ្ណនា និដ្ឋិតា។
Adhikaraṇapaccayakathāvaṇṇanā niṭṭhitā.
