| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
អធិករណភេទវណ្ណនា
Adhikaraṇabhedavaṇṇanā
៣៤០. យស្មា អធិករណំ ឧក្កោដេន្តោ សមថប្បត្តមេវ ឧក្កោដេតិ, តស្មា ‘‘វិវាទាធិករណំ ឧក្កោដេន្តោ កតិ សមថេ ឧក្កោដេតី’’តិអាទិ វុត្តំ។
340. Yasmā adhikaraṇaṃ ukkoṭento samathappattameva ukkoṭeti, tasmā ‘‘vivādādhikaraṇaṃ ukkoṭento kati samathe ukkoṭetī’’tiādi vuttaṃ.
៣៤១. បាឡិមុត្តកវិនិច្ឆយេនេវាតិ វិនយលក្ខណំ វិនា កេវលំ ធម្មទេសនាមត្តវសេនេវាតិ អត្ថោ។ យេនាបិ វិនិច្ឆយេនាតិ បាឡិមុត្តកវិនិច្ឆយមេវ សន្ធាយ វុត្តំ។ ខន្ធកតោ ច បរិវារតោ ច សុត្តេនាតិ ខន្ធកបរិវារតោ អានីតសុត្តេន។ និជ្ឈាបេន្តីតិ បញ្ញាបេន្តិ។
341.Pāḷimuttakavinicchayenevāti vinayalakkhaṇaṃ vinā kevalaṃ dhammadesanāmattavasenevāti attho. Yenāpi vinicchayenāti pāḷimuttakavinicchayameva sandhāya vuttaṃ. Khandhakato ca parivārato ca suttenāti khandhakaparivārato ānītasuttena. Nijjhāpentīti paññāpenti.
៣៤២. កិច្ចំ និស្សាយ ឧប្បជ្ជនកកិច្ចានន្តិ បុព្ពេ កតឧក្ខេបនីយាទិកិច្ចំ និស្សាយ ឧប្បជ្ជនកកិច្ចានំ។ កីទិសានំ? យាវតតិយសមនុភាសនាទីនំ។
342.Kiccaṃ nissāya uppajjanakakiccānanti pubbe kataukkhepanīyādikiccaṃ nissāya uppajjanakakiccānaṃ. Kīdisānaṃ? Yāvatatiyasamanubhāsanādīnaṃ.
៣៤៣. តំ ហីតិ តំ វិវាទាធិករណំ។
343.Taṃ hīti taṃ vivādādhikaraṇaṃ.
៣៤៤. អធិករណេសុ យេន អធិករណេន សម្មន្តិ, តំ ទស្សេតុំ វុត្តន្តិ យទា អធិករណេហិ សម្មន្តិ, តទា កិច្ចាធិករណេនេវ សម្មន្តិ, ន អញ្ញេហិ អធិករណេហីតិ ទស្សនត្ថំ វុត្តន្តិ អធិប្បាយោ។
344.Adhikaraṇesu yena adhikaraṇena sammanti, taṃ dassetuṃ vuttanti yadā adhikaraṇehi sammanti, tadā kiccādhikaraṇeneva sammanti, na aññehi adhikaraṇehīti dassanatthaṃ vuttanti adhippāyo.
៣៥៣. ‘‘សត្តន្នំ សមថានំ កតមេ ឆត្តិំស សមុដ្ឋានា’’តិ បុច្ឆិត្វាបិ ‘‘កម្មស្ស កិរិយា ករណ’’ន្តិអាទិនា សម្មុខាវិនយស្ស សមុដ្ឋានានិ អវិភជិត្វាវ សតិវិនយាទីនំ ឆន្នញ្ញេវ ឆ សមុដ្ឋានានិ វិភត្តានិ, តំ កស្មាតិ អាហ ‘‘កិញ្ចាបិ សត្តន្នំ សមថាន’’ន្តិអាទិ។ សតិវិនយាទីនំ វិយ សង្ឃសម្មុខតាទីនំ កិច្ចយតា នាម នត្ថីតិ អាហ ‘‘កម្មសង្គហាភាវេនា’’តិ។
353. ‘‘Sattannaṃ samathānaṃ katame chattiṃsa samuṭṭhānā’’ti pucchitvāpi ‘‘kammassa kiriyā karaṇa’’ntiādinā sammukhāvinayassa samuṭṭhānāni avibhajitvāva sativinayādīnaṃ channaññeva cha samuṭṭhānāni vibhattāni, taṃ kasmāti āha ‘‘kiñcāpi sattannaṃ samathāna’’ntiādi. Sativinayādīnaṃ viya saṅghasammukhatādīnaṃ kiccayatā nāma natthīti āha ‘‘kammasaṅgahābhāvenā’’ti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
១. ឧក្កោដនភេទាទិ • 1. Ukkoṭanabhedādi
២. អធិករណនិទានាទិ • 2. Adhikaraṇanidānādi
៣. អធិករណមូលាទិ • 3. Adhikaraṇamūlādi
៤. អធិករណបច្ចយាបត្តិ • 4. Adhikaraṇapaccayāpatti
៩. សត្តសមថនិទានំ • 9. Sattasamathanidānaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā
ឧក្កោដនភេទាទិវណ្ណនា • Ukkoṭanabhedādivaṇṇanā
អធិករណនិទានាទិវណ្ណនា • Adhikaraṇanidānādivaṇṇanā
សត្តសមថនិទានវណ្ណនា • Sattasamathanidānavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
ឧក្កោដនភេទាទិវណ្ណនា • Ukkoṭanabhedādivaṇṇanā
អធិករណនិទានាទិវណ្ណនា • Adhikaraṇanidānādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā
ឧក្កោដនភេទាទិកថាវណ្ណនា • Ukkoṭanabhedādikathāvaṇṇanā
អធិករណនិទានាទិវណ្ណនា • Adhikaraṇanidānādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
ឧក្កោដនភេទាទិវណ្ណនា • Ukkoṭanabhedādivaṇṇanā
អធិករណនិទានាទិវណ្ណនា • Adhikaraṇanidānādivaṇṇanā
សត្តសមថនិទានវណ្ណនា • Sattasamathanidānavaṇṇanā
