| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৯. আধারদাযকত্থেরঅপদানং
9. Ādhāradāyakattheraapadānaṃ
৪০.
40.
‘‘আধারকং মযা দিন্নং, সিখিনো লোকবন্ধুনো।
‘‘Ādhārakaṃ mayā dinnaṃ, sikhino lokabandhuno;
ধারেমি পথৰিং সব্বং, কেৰলং ৰসুধং ইমং॥
Dhāremi pathaviṃ sabbaṃ, kevalaṃ vasudhaṃ imaṃ.
৪১.
41.
‘‘কিলেসা ঝাপিতা ময্হং, ভৰা সব্বে সমূহতা।
‘‘Kilesā jhāpitā mayhaṃ, bhavā sabbe samūhatā;
ধারেমি অন্তিমং দেহং, সম্মাসম্বুদ্ধসাসনে॥
Dhāremi antimaṃ dehaṃ, sammāsambuddhasāsane.
৪২.
42.
‘‘সত্তৰীসে ইতো কপ্পে, অহেসুং চতুরো জনা।
‘‘Sattavīse ito kappe, ahesuṃ caturo janā;
সমন্তৰরণা নাম, চক্কৰত্তী মহব্বলা॥
Samantavaraṇā nāma, cakkavattī mahabbalā.
৪৩.
43.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা আধারদাযকো 1 থেরো ইমা গাথাযো অভাসিত্থাতি।
Itthaṃ sudaṃ āyasmā ādhāradāyako 2 thero imā gāthāyo abhāsitthāti.
আধারদাযকত্থেরস্সাপদানং নৰমং।
Ādhāradāyakattherassāpadānaṃ navamaṃ.
Footnotes:
