| Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
4. අද්ධාසුත්තං
4. Addhāsuttaṃ
63. වුත්තඤ්හෙතං භගවතා, වුත්තමරහතාති මෙ සුතං –
63. Vuttañhetaṃ bhagavatā, vuttamarahatāti me sutaṃ –
‘‘තයොමෙ, භික්ඛවෙ, අද්ධා. කතමෙ තයො? අතීතො අද්ධා, අනාගතො අද්ධා, පච්චුප්පන්නො අද්ධා – ඉමෙ ඛො, භික්ඛවෙ, තයො අද්ධා’’ති. එතමත්ථං භගවා අවොච. තත්ථෙතං ඉති වුච්චති –
‘‘Tayome, bhikkhave, addhā. Katame tayo? Atīto addhā, anāgato addhā, paccuppanno addhā – ime kho, bhikkhave, tayo addhā’’ti. Etamatthaṃ bhagavā avoca. Tatthetaṃ iti vuccati –
‘‘අක්ඛෙය්යසඤ්ඤිනො සත්තා, අක්ඛෙය්යස්මිං පතිට්ඨිතා;
‘‘Akkheyyasaññino sattā, akkheyyasmiṃ patiṭṭhitā;
අක්ඛෙය්යං අපරිඤ්ඤාය, යොගමායන්ති මච්චුනො.
Akkheyyaṃ apariññāya, yogamāyanti maccuno.
‘‘අක්ඛෙය්යඤ්ච පරිඤ්ඤාය, අක්ඛාතාරං න මඤ්ඤති;
‘‘Akkheyyañca pariññāya, akkhātāraṃ na maññati;
ඵුට්ඨො විමොක්ඛො මනසා, සන්තිපදමනුත්තරං.
Phuṭṭho vimokkho manasā, santipadamanuttaraṃ.
‘‘ස වෙ 1 අක්ඛෙය්යසම්පන්නො, සන්තො සන්තිපදෙ රතො;
‘‘Sa ve 2 akkheyyasampanno, santo santipade rato;
සඞ්ඛායසෙවී ධම්මට්ඨො, සඞ්ඛ්යං නොපෙති වෙදගූ’’ති.
Saṅkhāyasevī dhammaṭṭho, saṅkhyaṃ nopeti vedagū’’ti.
අයම්පි අත්ථො වුත්තො භගවතා, ඉති මෙ සුතන්ති. චතුත්ථං.
Ayampi attho vutto bhagavatā, iti me sutanti. Catutthaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 4. අද්ධාසුත්තවණ්ණනා • 4. Addhāsuttavaṇṇanā
