| Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
5. දුච්චරිතසුත්තං
5. Duccaritasuttaṃ
64. වුත්තඤ්හෙතං භගවතා, වුත්තමරහතාති මෙ සුතං –
64. Vuttañhetaṃ bhagavatā, vuttamarahatāti me sutaṃ –
‘‘තීණිමානි, භික්ඛවෙ, දුච්චරිතානි. කතමානි තීණි? කායදුච්චරිතං, වචීදුච්චරිතං, මනොදුච්චරිතං – ඉමානි ඛො, භික්ඛවෙ, තීණි දුච්චරිතානී’’ති. එතමත්ථං භගවා අවොච. තත්ථෙතං ඉති වුච්චති –
‘‘Tīṇimāni, bhikkhave, duccaritāni. Katamāni tīṇi? Kāyaduccaritaṃ, vacīduccaritaṃ, manoduccaritaṃ – imāni kho, bhikkhave, tīṇi duccaritānī’’ti. Etamatthaṃ bhagavā avoca. Tatthetaṃ iti vuccati –
‘‘කායදුච්චරිතං කත්වා, වචීදුච්චරිතානි ච;
‘‘Kāyaduccaritaṃ katvā, vacīduccaritāni ca;
මනොදුච්චරිතං කත්වා, යඤ්චඤ්ඤං දොසසංහිතං.
Manoduccaritaṃ katvā, yañcaññaṃ dosasaṃhitaṃ.
‘‘අකත්වා කුසලං කම්මං, කත්වානාකුසලං බහුං;
‘‘Akatvā kusalaṃ kammaṃ, katvānākusalaṃ bahuṃ;
කායස්ස භෙදා දුප්පඤ්ඤො, නිරයං සොපපජ්ජතී’’ති.
Kāyassa bhedā duppañño, nirayaṃ sopapajjatī’’ti.
අයම්පි අත්ථො වුත්තො භගවතා, ඉති මෙ සුතන්ති. පඤ්චමං.
Ayampi attho vutto bhagavatā, iti me sutanti. Pañcamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 5. දුච්චරිතසුත්තවණ්ණනා • 5. Duccaritasuttavaṇṇanā
