| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๔. อทฺธาสุตฺตํ
4. Addhāsuttaṃ
๖๓. วุตฺตเญฺหตํ ภควตา, วุตฺตมรหตาติ เม สุตํ –
63. Vuttañhetaṃ bhagavatā, vuttamarahatāti me sutaṃ –
‘‘ตโยเม, ภิกฺขเว, อทฺธาฯ กตเม ตโย? อตีโต อทฺธา, อนาคโต อทฺธา, ปจฺจุปฺปโนฺน อทฺธา – อิเม โข, ภิกฺขเว, ตโย อทฺธา’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Tayome, bhikkhave, addhā. Katame tayo? Atīto addhā, anāgato addhā, paccuppanno addhā – ime kho, bhikkhave, tayo addhā’’ti. Etamatthaṃ bhagavā avoca. Tatthetaṃ iti vuccati –
‘‘อเกฺขยฺยสญฺญิโน สตฺตา, อเกฺขยฺยสฺมิํ ปติฎฺฐิตา;
‘‘Akkheyyasaññino sattā, akkheyyasmiṃ patiṭṭhitā;
อเกฺขยฺยํ อปริญฺญาย, โยคมายนฺติ มจฺจุโนฯ
Akkheyyaṃ apariññāya, yogamāyanti maccuno.
‘‘อเกฺขยฺยญฺจ ปริญฺญาย, อกฺขาตารํ น มญฺญติ;
‘‘Akkheyyañca pariññāya, akkhātāraṃ na maññati;
ผุโฎฺฐ วิโมโกฺข มนสา, สนฺติปทมนุตฺตรํฯ
Phuṭṭho vimokkho manasā, santipadamanuttaraṃ.
สงฺขายเสวี ธมฺมโฎฺฐ, สงฺขฺยํ โนเปติ เวทคู’’ติฯ
Saṅkhāyasevī dhammaṭṭho, saṅkhyaṃ nopeti vedagū’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ จตุตฺถํฯ
Ayampi attho vutto bhagavatā, iti me sutanti. Catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๔. อทฺธาสุตฺตวณฺณนา • 4. Addhāsuttavaṇṇanā
