| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๕. ทุจฺจริตสุตฺตํ
5. Duccaritasuttaṃ
๖๔. วุตฺตเญฺหตํ ภควตา, วุตฺตมรหตาติ เม สุตํ –
64. Vuttañhetaṃ bhagavatā, vuttamarahatāti me sutaṃ –
‘‘ตีณิมานิ, ภิกฺขเว, ทุจฺจริตานิฯ กตมานิ ตีณิ? กายทุจฺจริตํ, วจีทุจฺจริตํ, มโนทุจฺจริตํ – อิมานิ โข, ภิกฺขเว, ตีณิ ทุจฺจริตานี’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Tīṇimāni, bhikkhave, duccaritāni. Katamāni tīṇi? Kāyaduccaritaṃ, vacīduccaritaṃ, manoduccaritaṃ – imāni kho, bhikkhave, tīṇi duccaritānī’’ti. Etamatthaṃ bhagavā avoca. Tatthetaṃ iti vuccati –
‘‘กายทุจฺจริตํ กตฺวา, วจีทุจฺจริตานิ จ;
‘‘Kāyaduccaritaṃ katvā, vacīduccaritāni ca;
มโนทุจฺจริตํ กตฺวา, ยญฺจญฺญํ โทสสํหิตํฯ
Manoduccaritaṃ katvā, yañcaññaṃ dosasaṃhitaṃ.
‘‘อกตฺวา กุสลํ กมฺมํ, กตฺวานากุสลํ พหุํ;
‘‘Akatvā kusalaṃ kammaṃ, katvānākusalaṃ bahuṃ;
กายสฺส เภทา ทุปฺปโญฺญ, นิรยํ โสปปชฺชตี’’ติฯ
Kāyassa bhedā duppañño, nirayaṃ sopapajjatī’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ ปญฺจมํฯ
Ayampi attho vutto bhagavatā, iti me sutanti. Pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๕. ทุจฺจริตสุตฺตวณฺณนา • 5. Duccaritasuttavaṇṇanā
