| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৪. অদ্ধাসুত্তং
4. Addhāsuttaṃ
৬৩. ৰুত্তঞ্হেতং ভগৰতা, ৰুত্তমরহতাতি মে সুতং –
63. Vuttañhetaṃ bhagavatā, vuttamarahatāti me sutaṃ –
‘‘তযোমে, ভিক্খৰে, অদ্ধা। কতমে তযো? অতীতো অদ্ধা, অনাগতো অদ্ধা, পচ্চুপ্পন্নো অদ্ধা – ইমে খো, ভিক্খৰে, তযো অদ্ধা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tayome, bhikkhave, addhā. Katame tayo? Atīto addhā, anāgato addhā, paccuppanno addhā – ime kho, bhikkhave, tayo addhā’’ti. Etamatthaṃ bhagavā avoca. Tatthetaṃ iti vuccati –
‘‘অক্খেয্যসঞ্ঞিনো সত্তা, অক্খেয্যস্মিং পতিট্ঠিতা।
‘‘Akkheyyasaññino sattā, akkheyyasmiṃ patiṭṭhitā;
অক্খেয্যং অপরিঞ্ঞায, যোগমাযন্তি মচ্চুনো॥
Akkheyyaṃ apariññāya, yogamāyanti maccuno.
‘‘অক্খেয্যঞ্চ পরিঞ্ঞায, অক্খাতারং ন মঞ্ঞতি।
‘‘Akkheyyañca pariññāya, akkhātāraṃ na maññati;
ফুট্ঠো ৰিমোক্খো মনসা, সন্তিপদমনুত্তরং॥
Phuṭṭho vimokkho manasā, santipadamanuttaraṃ.
সঙ্খাযসেৰী ধম্মট্ঠো, সঙ্খ্যং নোপেতি ৰেদগূ’’তি॥
Saṅkhāyasevī dhammaṭṭho, saṅkhyaṃ nopeti vedagū’’ti.
অযম্পি অত্থো ৰুত্তো ভগৰতা, ইতি মে সুতন্তি। চতুত্থং।
Ayampi attho vutto bhagavatā, iti me sutanti. Catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৪. অদ্ধাসুত্তৰণ্ণনা • 4. Addhāsuttavaṇṇanā
