3. Aḍḍhaceḷakattheraapadānaṃ

14.

‘‘Tissassāhaṃ bhagavato, upaḍḍhadussamadāsahaṃ;

Paramakāpaññapattomhi ³, duggatena ⁴ samappito.

15.

‘‘Upaḍḍhadussaṃ datvāna, kappaṃ saggamhi modahaṃ;

Avasesesu kappesu, kusalaṃ kāritaṃ mayā.

16.

‘‘Dvenavute ito kappe, yaṃ dussamadadiṃ tadā;

Duggatiṃ nābhijānāmi, dussadānassidaṃ phalaṃ.

17.

‘‘Ekūnapaññāsakappamhi ⁶, rājāno cakkavattino;

Samantacchadanā nāma, bāttiṃsāsuṃ ⁸ janādhipā.

18.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā aḍḍhaceḷako thero imā gāthāyo abhāsitthāti.

Aḍḍhaceḷakattherassāpadānaṃ tatiyaṃ.