| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৪. অদন্তৰগ্গৰণ্ণনা
4. Adantavaggavaṇṇanā
৩১. চতুত্থস্স পঠমে অদন্তন্তি সৰিসেৰনং অদন্তহত্থিঅস্সাদিসদিসং। চিত্তন্তি ৰট্টৰসেন উপ্পন্নচিত্তমেৰ।
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
৩২. দুতিযে দন্তন্তি নিব্বিসেৰনং দন্তহত্থিঅস্সাদিসদিসং। ইমস্মিম্পি সুত্তদ্ৰযে ৰট্টৰিৰট্টৰসেন উপ্পন্নচিত্তমেৰ কথিতং। যথা চেত্থ, এৰং ইতো পরেসুপীতি।
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
৩৩. ততিযে অগুত্তন্তি অগোপিতং সতিসংৰররহিতং অগুত্তহত্থিঅস্সাদিসদিসং।
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
৩৪. চতুত্থে গুত্তন্তি গোপিতং অৰিস্সট্ঠসতিসংৰরং গুত্তহত্থিঅস্সাদিসদিসং।
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
৩৫-৩৬. পঞ্চমছট্ঠানি অরক্খিতং রক্খিতন্তি পদৰসেন বুজ্ঝনকানং অজ্ঝাসযেন ৰুত্তানি। অত্থো পনেত্থ পুরিমসদিসোযেৰ।
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
৩৭-৩৮. সত্তমট্ঠমেসুপি এসেৰ নযো। উপমা পনেত্থ অসংৰুতঘরদ্ৰারাদিৰসেন ৰেদিতব্বা।
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
৩৯-৪০. নৰমদসমানি চতূহিপি পদেহি যোজেত্ৰা ৰুত্তানি। ইমস্মিম্পি ৰগ্গে ৰট্টৰিৰট্টমেৰ কথিতন্তি।
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
অদন্তৰগ্গৰণ্ণনা।
Adantavaggavaṇṇanā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. অদন্তৰগ্গো • 4. Adantavaggo
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪. অদন্তৰগ্গৰণ্ণনা • 4. Adantavaggavaṇṇanā
