| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၉. အစေလကသ္သပသုတ္တဝဏ္ဏနာ
9. Acelakassapasuttavaṇṇanā
၃၅၁. နဝမေ ကီဝစိရံ ပဗ္ဗဇိတသ္သာတိ ကီဝစိရော ကာလော ပဗ္ဗဇိတသ္သာတိ အတ္ထော။ ဥတ္တရိ မနုသ္သဓမ္မာတိ မနုသ္သဓမ္မော နာမ ဒသကုသလကမ္မပထာ, တတော မနုသ္သဓမ္မတော ဥတ္တရိ။ အလမရိယဉာဏဒသ္သနဝိသေသောတိ အရိယဘာဝံ ကာတုံ သမတ္ထတာယ အလမရိယောတိ သင္ခာတော ဉာဏဒသ္သနဝိသေသော။ နဂ္ဂေယ္ယာတိ နဂ္ဂဘာဝတော။ မုဏ္ဍေယ္ယာတိ မုဏ္ဍဘာဝတော။ ပဝာဠနိပ္ဖောဋနာယာတိ ပာဝဠနိပ္ဖောဋနတော, ဘူမိယံ နိသီဒန္တသ္သ အာနိသဒဋ္ဌာနေ လဂ္ဂာနံ ပံသုရဇဝာလိကာနံ ဖောဋနတ္ထံ ဂဟိတမောရပိဉ္ဆမတ္တတောတိ အတ္ထော။
351. Navame kīvaciraṃ pabbajitassāti kīvaciro kālo pabbajitassāti attho. Uttari manussadhammāti manussadhammo nāma dasakusalakammapathā, tato manussadhammato uttari. Alamariyañāṇadassanavisesoti ariyabhāvaṃ kātuṃ samatthatāya alamariyoti saṅkhāto ñāṇadassanaviseso. Naggeyyāti naggabhāvato. Muṇḍeyyāti muṇḍabhāvato. Pavāḷanipphoṭanāyāti pāvaḷanipphoṭanato, bhūmiyaṃ nisīdantassa ānisadaṭṭhāne laggānaṃ paṃsurajavālikānaṃ phoṭanatthaṃ gahitamorapiñchamattatoti attho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. အစေလကသ္သပသုတ္တံ • 9. Acelakassapasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၉. အစေလကသ္သပသုတ္တဝဏ္ဏနာ • 9. Acelakassapasuttavaṇṇanā
