| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. ажжзнд̇исуд̇д̇аван̣н̣анаа
4. Accentisuttavaṇṇanā
4. жад̇уд̇т̇з ажжзнд̇ийд̇и ад̇иггаманд̇и. гаалаад̇и бурзбхад̇д̇аад̣̇аяо гаалаа. д̇араяанд̇и рад̇д̇ияод̇и рад̇д̇ияо ад̇иггамамаанаа буг̇г̇алам̣ маран̣уубаг̇аманааяа д̇араяанд̇и сийгхам̣ сийгхам̣ г̇амаяанд̇и. ваяог̇ун̣аад̇и батамамаж̇жхимабажчимаваяаанам̣ г̇ун̣аа, раасаяод̇и ад̇т̇о. ‘‘ануж̇аанаами, бхигкавз, ахад̇аанам̣ вад̇т̇аанам̣ д̣̇иг̇ун̣ам̣ сан̇гхаади’’нд̇и (махаава. 348) зд̇т̇а хи бадаладто г̇ун̣адто. ‘‘сад̇аг̇ун̣аа д̣̇агкин̣аа баадиган̇кид̇аб̣б̣аа’’д̇и (ма. ни. 3.379) зд̇т̇а аанисам̣садто. ‘‘анд̇ам̣ анд̇аг̇ун̣а’’нд̇и зд̇т̇а годтаасадто. ‘‘гаяираа маалааг̇ун̣з б̣ахуу’’д̇и (д̇ха. ба. 53) зд̇т̇а раасадто. ‘‘бан̃жа гаамаг̇ун̣аа’’д̇и зд̇т̇а б̣анд̇ханадто. ид̇ха бана раасадто г̇ун̣адто. д̇асмаа ваяог̇ун̣аад̇и ваяораасаяо взд̣̇ид̇аб̣б̣аа. анубуб̣б̣ам̣ ж̇аханд̇ийд̇и анубадибаадияаа буг̇г̇алам̣ ж̇аханд̇и. маж̇жхимаваяз тид̇ам̣ хи батамаваяо ж̇ахад̇и, бажчимаваяз тид̇ам̣ д̣̇вз батамамаж̇жхимаа ж̇аханд̇и, маран̣агкан̣з бана д̇аяоби ваяаа ж̇аханд̇зва. зд̇ам̣ бхаяанд̇и зд̇ам̣ гаалаанам̣ ад̇иггаманам̣, рад̇д̇ид̣̇иваанам̣ д̇арид̇абхааво, ваяог̇ун̣аанам̣ ж̇аханабхаавод̇и д̇ивид̇хам̣ бхаяам̣. сзсам̣ буримасад̣̇исамзваад̇и.
4. Catutthe accentīti atikkamanti. Kālāti purebhattādayo kālā. Tarayanti rattiyoti rattiyo atikkamamānā puggalaṃ maraṇūpagamanāya tarayanti sīghaṃ sīghaṃ gamayanti. Vayoguṇāti paṭhamamajjhimapacchimavayānaṃ guṇā, rāsayoti attho. ‘‘Anujānāmi, bhikkhave, ahatānaṃ vatthānaṃ diguṇaṃ saṅghāṭi’’nti (mahāva. 348) ettha hi paṭalaṭṭho guṇaṭṭho. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsaṭṭho. ‘‘Antaṃ antaguṇa’’nti ettha koṭṭhāsaṭṭho. ‘‘Kayirā mālāguṇe bahū’’ti (dha. pa. 53) ettha rāsaṭṭho. ‘‘Pañca kāmaguṇā’’ti ettha bandhanaṭṭho. Idha pana rāsaṭṭho guṇaṭṭho. Tasmā vayoguṇāti vayorāsayo veditabbā. Anupubbaṃjahantīti anupaṭipāṭiyā puggalaṃ jahanti. Majjhimavaye ṭhitaṃ hi paṭhamavayo jahati, pacchimavaye ṭhitaṃ dve paṭhamamajjhimā jahanti, maraṇakkhaṇe pana tayopi vayā jahanteva. Etaṃ bhayanti etaṃ kālānaṃ atikkamanaṃ, rattidivānaṃ taritabhāvo, vayoguṇānaṃ jahanabhāvoti tividhaṃ bhayaṃ. Sesaṃ purimasadisamevāti.
ажжзнд̇исуд̇д̇аван̣н̣анаа нидтид̇аа.
Accentisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. ажжзнд̇исуд̇д̇ам̣ • 4. Accentisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. ажжзнд̇исуд̇д̇аван̣н̣анаа • 4. Accentisuttavaṇṇanā
