| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੮. ਅਬ੍ਯਾਕਤਕਥਾવਣ੍ਣਨਾ
8. Abyākatakathāvaṇṇanā
੯੦੧-੯੦੨. ਇਦਾਨਿ ਅਬ੍ਯਾਕਤਕਥਾ ਨਾਮ ਹੋਤਿ। ਤਤ੍ਥ ‘‘ਅਤ੍ਥੇਸਾ, ਭਿਕ੍ਖવੇ, ਚੇਤਨਾ, ਸਾ ਚ ਖੋ ਅਬ੍ਬੋਹਾਰਿਕਾ’’ਤਿ (ਪਾਰਾ॰ ੨੩੫) વਚਨਤੋ ‘‘ਸਬ੍ਬਂ ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਯਾਕਤ’’ਨ੍ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਕਚ੍ਚਾਨਂ ਉਤ੍ਤਰਾਪਥਕਾਨਞ੍ਞੇવ, ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਸੇਸਮੇਤ੍ਥ ਯਥਾ ਪਾਲ਼ਿਮੇવ ਨਿਯ੍ਯਾਤਿ। ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਬੋਹਾਰਿਕਨ੍ਤਿ ਇਦਂ ਆਪਤ੍ਤਿਂ ਸਨ੍ਧਾਯ વੁਤ੍ਤਂ। ਸੁਪਿਨਗਤਸ੍ਸ ਹਿ ਪਾਣਾਤਿਪਾਤਾਦਿવਸੇਨ ਕਿਞ੍ਚਾਪਿ ਅਕੁਸਲਚਿਤ੍ਤਂ ਪવਤ੍ਤਤਿ, વਤ੍ਥੁવਿਕੋਪਨਂ ਪਨ ਨਤ੍ਥੀਤਿ ਨ ਸਕ੍ਕਾ ਤਤ੍ਥ ਆਪਤ੍ਤਿਂ ਪਞ੍ਞਪੇਤੁਂ। ਇਮਿਨਾ ਕਾਰਣੇਨ ਤਂ ਅਬ੍ਬੋਹਾਰਿਕਂ, ਨ ਅਬ੍ਯਾਕਤਤ੍ਤਾਤਿ।
901-902. Idāni abyākatakathā nāma hoti. Tattha ‘‘atthesā, bhikkhave, cetanā, sā ca kho abbohārikā’’ti (pārā. 235) vacanato ‘‘sabbaṃ supinagatassa cittaṃ abyākata’’nti yesaṃ laddhi, seyyathāpi ekaccānaṃ uttarāpathakānaññeva, te sandhāya pucchā sakavādissa, paṭiññā itarassa. Sesamettha yathā pāḷimeva niyyāti. Supinagatassa cittaṃ abbohārikanti idaṃ āpattiṃ sandhāya vuttaṃ. Supinagatassa hi pāṇātipātādivasena kiñcāpi akusalacittaṃ pavattati, vatthuvikopanaṃ pana natthīti na sakkā tattha āpattiṃ paññapetuṃ. Iminā kāraṇena taṃ abbohārikaṃ, na abyākatattāti.
ਅਬ੍ਯਾਕਤਕਥਾવਣ੍ਣਨਾ।
Abyākatakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੧੫) ੮. ਅਬ੍ਯਾਕਤਕਥਾ • (215) 8. Abyākatakathā
