| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨੨. ਬਾવੀਸਤਿਮવਗ੍ਗੋ
22. Bāvīsatimavaggo
(੨੧੫) ੮. ਅਬ੍ਯਾਕਤਕਥਾ
(215) 8. Abyākatakathā
੯੦੧. ਸਬ੍ਬਂ ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ। ਸੁਪਿਨਨ੍ਤੇਨ ਪਾਣਂ ਹਨੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਸੁਪਿਨਨ੍ਤੇਨ ਪਾਣਂ ਹਨੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬਂ ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਯਾਕਤ’’ਨ੍ਤਿ।
901. Sabbaṃ supinagatassa cittaṃ abyākatanti? Āmantā. Supinantena pāṇaṃ haneyyāti? Āmantā. Hañci supinantena pāṇaṃ haneyya, no ca vata re vattabbe – ‘‘sabbaṃ supinagatassa cittaṃ abyākata’’nti.
ਸੁਪਿਨਨ੍ਤੇਨ ਅਦਿਨ੍ਨਂ ਆਦਿਯੇਯ੍ਯ…ਪੇ॰… ਮੁਸਾ ਭਣੇਯ੍ਯ, ਪਿਸੁਣਂ ਭਣੇਯ੍ਯ, ਫਰੁਸਂ ਭਣੇਯ੍ਯ, ਸਮ੍ਫਂ ਪਲਪੇਯ੍ਯ, ਸਨ੍ਧਿਂ ਛਿਨ੍ਦੇਯ੍ਯ, ਨਿਲ੍ਲੋਪਂ ਹਰੇਯ੍ਯ, ਏਕਾਗਾਰਿਕਂ ਕਰੇਯ੍ਯ, ਪਰਿਪਨ੍ਥੇ ਤਿਟ੍ਠੇਯ੍ਯ, ਪਰਦਾਰਂ ਗਚ੍ਛੇਯ੍ਯ, ਗਾਮਘਾਤਕਂ ਕਰੇਯ੍ਯ, ਨਿਗਮਘਾਤਕਂ ਕਰੇਯ੍ਯ, ਸੁਪਿਨਨ੍ਤੇਨ ਮੇਥੁਨਂ ਧਮ੍ਮਂ ਪਟਿਸੇવੇਯ੍ਯ , ਸੁਪਿਨਗਤਸ੍ਸ ਅਸੁਚਿ ਮੁਚ੍ਚੇਯ੍ਯ, ਸੁਪਿਨਨ੍ਤੇਨ ਦਾਨਂ ਦਦੇਯ੍ਯ, ਚੀવਰਂ ਦਦੇਯ੍ਯ, ਪਿਣ੍ਡਪਾਤਂ ਦਦੇਯ੍ਯ, ਸੇਨਾਸਨਂ ਦਦੇਯ੍ਯ, ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦਦੇਯ੍ਯ, ਖਾਦਨੀਯਂ ਦਦੇਯ੍ਯ, ਭੋਜਨੀਯਂ ਦਦੇਯ੍ਯ, ਪਾਨੀਯਂ ਦਦੇਯ੍ਯ, ਚੇਤਿਯਂ વਨ੍ਦੇਯ੍ਯ, ਚੇਤਿਯੇ ਮਾਲਂ ਆਰੋਪੇਯ੍ਯ, ਗਨ੍ਧਂ ਆਰੋਪੇਯ੍ਯ , વਿਲੇਪਨਂ ਆਰੋਪੇਯ੍ਯ…ਪੇ॰… ਚੇਤਿਯਂ ਅਭਿਦਕ੍ਖਿਣਂ ਕਰੇਯ੍ਯਾਤਿ? ਆਮਨ੍ਤਾ । ਹਞ੍ਚਿ ਸੁਪਿਨਨ੍ਤੇਨ ਚੇਤਿਯਂ ਅਭਿਦਕ੍ਖਿਣਂ ਕਰੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬਂ ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਯਾਕਤ’’ਨ੍ਤਿ।
Supinantena adinnaṃ ādiyeyya…pe… musā bhaṇeyya, pisuṇaṃ bhaṇeyya, pharusaṃ bhaṇeyya, samphaṃ palapeyya, sandhiṃ chindeyya, nillopaṃ hareyya, ekāgārikaṃ kareyya, paripanthe tiṭṭheyya, paradāraṃ gaccheyya, gāmaghātakaṃ kareyya, nigamaghātakaṃ kareyya, supinantena methunaṃ dhammaṃ paṭiseveyya , supinagatassa asuci mucceyya, supinantena dānaṃ dadeyya, cīvaraṃ dadeyya, piṇḍapātaṃ dadeyya, senāsanaṃ dadeyya, gilānapaccayabhesajjaparikkhāraṃ dadeyya, khādanīyaṃ dadeyya, bhojanīyaṃ dadeyya, pānīyaṃ dadeyya, cetiyaṃ vandeyya, cetiye mālaṃ āropeyya, gandhaṃ āropeyya , vilepanaṃ āropeyya…pe… cetiyaṃ abhidakkhiṇaṃ kareyyāti? Āmantā . Hañci supinantena cetiyaṃ abhidakkhiṇaṃ kareyya, no ca vata re vattabbe – ‘‘sabbaṃ supinagatassa cittaṃ abyākata’’nti.
੯੦੨. ਨ વਤ੍ਤਬ੍ਬਂ – ‘‘ਸਬ੍ਬਂ ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਯਾਕਤ’’ਨ੍ਤਿ? ਆਮਨ੍ਤਾ। ਨਨੁ ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਬੋਹਾਰਿਯਂ વੁਤ੍ਤਂ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਬੋਹਾਰਿਯਂ વੁਤ੍ਤਂ ਭਗવਤਾ, ਤੇਨ વਤ ਰੇ વਤ੍ਤਬ੍ਬੇ – ‘‘ਸਬ੍ਬਂ ਸੁਪਿਨਗਤਸ੍ਸ ਚਿਤ੍ਤਂ ਅਬ੍ਯਾਕਤ’’ਨ੍ਤਿ।
902. Na vattabbaṃ – ‘‘sabbaṃ supinagatassa cittaṃ abyākata’’nti? Āmantā. Nanu supinagatassa cittaṃ abbohāriyaṃ vuttaṃ bhagavatāti? Āmantā. Hañci supinagatassa cittaṃ abbohāriyaṃ vuttaṃ bhagavatā, tena vata re vattabbe – ‘‘sabbaṃ supinagatassa cittaṃ abyākata’’nti.
ਅਬ੍ਯਾਕਤਕਥਾ ਨਿਟ੍ਠਿਤਾ।
Abyākatakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਅਬ੍ਯਾਕਤਕਥਾવਣ੍ਣਨਾ • 8. Abyākatakathāvaṇṇanā
