| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
абхибхааяад̇анагат̇аа
Abhibhāyatanakathā
204. звам̣ адтасу гасин̣зсу руубааважарагусалам̣ нид̣̇д̣̇исид̇ваа, ид̣̇аани яасмаа самаанзби аарамман̣з бхааванааяа асамаанам̣ имзсу адтасу гасин̣зсу ан̃н̃амби абхибхааяад̇анасан̇каад̇ам̣ руубааважарагусалам̣ бавад̇д̇ад̇и, д̇асмаа д̇ам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а аж̇жхад̇д̇ам̣ аруубасан̃н̃ийд̇и алаабхид̇ааяа ваа анад̇т̇игад̇ааяа ваа аж̇жхад̇д̇аруубз баригаммасан̃н̃аавирахид̇о. б̣ахид̣̇д̇хаа руубаани бассад̇ийд̇и б̣ахид̣̇д̇хаа адтасу гасин̣зсу гад̇абаригаммад̇ааяа баригаммавасзна жзва аббанаавасзна жа д̇аани б̣ахид̣̇д̇хаа адтасу гасин̣зсу руубаани бассад̇и. барид̇д̇аанийд̇и авад̣дхид̇аани. д̇аани абхибхуяяаад̇и яат̇аа наама самбаннаг̇ахан̣иго гадажчумад̇д̇ам̣ бхад̇д̇ам̣ лабхид̇ваа ‘гим̣ зд̇т̇а бхун̃ж̇ид̇аб̣б̣ам̣ ад̇т̇ий’д̇и сан̇гад̣дхид̇ваа згагаб̣ал̣амзва гарод̇и, звамзва н̃аан̣уд̇д̇ариго буг̇г̇ало висад̣̇ан̃аан̣о ‘гимзд̇т̇а барид̇д̇агз аарамман̣з самаабаж̇ж̇ид̇аб̣б̣ам̣ ад̇т̇и, нааяам̣ мама бхааро’д̇и д̇аани руубаани абхибхавид̇ваа самаабаж̇ж̇ад̇и. саха нимид̇д̇уббаад̣̇знзвзд̇т̇а аббанам̣ ниб̣б̣ад̇д̇зд̇ийд̇и ад̇т̇о. ж̇аанаами бассаамийд̇и иминаа банасса буб̣б̣абхааг̇о гат̇ид̇о. ааг̇амадтагат̇аасу бана вуд̇д̇ам̣ – иминаасса бана аабхог̇о гат̇ид̇о. со жа ко самаабад̇д̇ид̇о вудтид̇асса, на анд̇осамаабад̇д̇ияанд̇и (а. ни. адта. 3.8.65).
204. Evaṃ aṭṭhasu kasiṇesu rūpāvacarakusalaṃ niddisitvā, idāni yasmā samānepi ārammaṇe bhāvanāya asamānaṃ imesu aṭṭhasu kasiṇesu aññampi abhibhāyatanasaṅkhātaṃ rūpāvacarakusalaṃ pavattati, tasmā taṃ dassetuṃ puna katame dhammā kusalātiādi āraddhaṃ. Tattha ajjhattaṃ arūpasaññīti alābhitāya vā anatthikatāya vā ajjhattarūpe parikammasaññāvirahito. Bahiddhā rūpāni passatīti bahiddhā aṭṭhasu kasiṇesu kataparikammatāya parikammavasena ceva appanāvasena ca tāni bahiddhā aṭṭhasu kasiṇesu rūpāni passati. Parittānīti avaḍḍhitāni. Tāni abhibhuyyāti yathā nāma sampannagahaṇiko kaṭacchumattaṃ bhattaṃ labhitvā ‘kiṃ ettha bhuñjitabbaṃ atthī’ti saṅkaḍḍhitvā ekakabaḷameva karoti, evameva ñāṇuttariko puggalo visadañāṇo ‘kimettha parittake ārammaṇe samāpajjitabbaṃ atthi, nāyaṃ mama bhāro’ti tāni rūpāni abhibhavitvā samāpajjati. Saha nimittuppādenevettha appanaṃ nibbattetīti attho. Jānāmi passāmīti iminā panassa pubbabhāgo kathito. Āgamaṭṭhakathāsu pana vuttaṃ – imināssa pana ābhogo kathito. So ca kho samāpattito vuṭṭhitassa, na antosamāpattiyanti (a. ni. aṭṭha. 3.8.65).
аббамаан̣аанийд̇и вад̣дхид̇аббамаан̣аани. абхибхуяяаад̇и зд̇т̇а бана яат̇аа махаг̇гхасо бурисо згам̣ бхад̇д̇авад̣дхид̇агам̣ лабхид̇ваа ‘ан̃н̃ааби ход̇у ‘гимзсаа маяхам̣ гариссад̇ий’д̇и д̇ам̣ на маханд̇ад̇о бассад̇и, звамзва н̃аан̣уд̇д̇аро буг̇г̇ало висад̣̇ан̃н̃аан̣о ‘гимзд̇т̇а самаабаж̇ж̇ид̇аб̣б̣ам̣, на ид̣̇ам̣ аббамаан̣ам̣, на маяхам̣ жид̇д̇згаг̇г̇ад̇аагаран̣з бхааро ад̇т̇ий’д̇и д̇аани абхибхавид̇ваа самаабаж̇ж̇ад̇и. саха нимид̇д̇уббаад̣̇знзвзд̇т̇а аббанам̣ ниб̣б̣ад̇д̇зд̇ийд̇и ад̇т̇о.
Appamāṇānīti vaḍḍhitappamāṇāni. Abhibhuyyāti ettha pana yathā mahagghaso puriso ekaṃ bhattavaḍḍhitakaṃ labhitvā ‘aññāpi hotu ‘kimesā mayhaṃ karissatī’ti taṃ na mahantato passati, evameva ñāṇuttaro puggalo visadaññāṇo ‘kimettha samāpajjitabbaṃ, na idaṃ appamāṇaṃ, na mayhaṃ cittekaggatākaraṇe bhāro atthī’ti tāni abhibhavitvā samāpajjati. Saha nimittuppādenevettha appanaṃ nibbattetīti attho.
барид̇д̇ам̣ барид̇д̇аарамман̣ам̣ аббамаан̣ам̣ барид̇д̇аарамман̣анд̇и ид̇ха барид̇д̇аанийд̇и ааг̇ад̇ад̇д̇аа аббамаан̣аарамман̣ад̇аа на г̇ахид̇аа, барад̇о аббамаан̣аанийд̇и ааг̇ад̇ад̇д̇аа барид̇д̇аарамман̣ад̇аа. адтагат̇ааяам̣ бана вуд̇д̇ам̣ – ‘имасмим̣ таанз жад̇д̇аари жад̇д̇аари аарамман̣аани аг̇г̇ахзд̇ваа д̣̇вз д̣̇взва г̇ахид̇аани . гим̣ гааран̣аа? жад̇уусу хи г̇ахид̇зсу д̣̇зсанаа сол̣асагкад̇д̇угаа ход̇и, сад̇т̇аараа жа хздтаа сол̣асагкад̇д̇угаа д̣̇зсанаа гилан̃ж̇амхи д̇илз бад̇т̇аранд̇зна вияа вид̇т̇аарад̇о гат̇ид̇аа. д̇асса имасмим̣ таанз адтагкад̇д̇угам̣ д̣̇зсанам̣ гаад̇ум̣ аж̇жхаасаяо. д̇асмаа д̣̇вз д̣̇взязва г̇ахид̇аанийд̇и взд̣̇ид̇аб̣б̣аанийд̇и.
Parittaṃ parittārammaṇaṃ appamāṇaṃ parittārammaṇanti idha parittānīti āgatattā appamāṇārammaṇatā na gahitā, parato appamāṇānīti āgatattā parittārammaṇatā. Aṭṭhakathāyaṃ pana vuttaṃ – ‘imasmiṃ ṭhāne cattāri cattāri ārammaṇāni aggahetvā dve dveva gahitāni . Kiṃ kāraṇā? Catūsu hi gahitesu desanā soḷasakkhattukā hoti, satthārā ca heṭṭhā soḷasakkhattukā desanā kilañjamhi tile pattharantena viya vitthārato kathitā. Tassa imasmiṃ ṭhāne aṭṭhakkhattukaṃ desanaṃ kātuṃ ajjhāsayo. Tasmā dve dveyeva gahitānīti veditabbānīti.
суван̣н̣ад̣̇уб̣б̣ан̣н̣аанийд̇и барисуд̣̇д̇хаабарисуд̣̇д̇хаван̣н̣аани. барисуд̣̇д̇хаани хи нийлаад̣̇ийни суван̣н̣аани, абарисуд̣̇д̇хаани жа д̣̇уб̣б̣ан̣н̣аанийд̇и ид̇ха ад̇хиббзд̇аани. ааг̇амадтагат̇аасу бана ‘суван̣н̣аани ваа хонд̇у д̣̇уб̣б̣ан̣н̣аани ваа, барид̇д̇ааббамаан̣авасзнзва имаани абхибхааяад̇анаани д̣̇зсид̇ааний’д̇и (а. ни. адта. 3.8.65) вуд̇д̇ам̣. имзсу бана жад̇уусу барид̇д̇ам̣ вид̇аггажарид̇авасзна ааг̇ад̇ам̣, аббамаан̣ам̣ мохажарид̇авасзна, суван̣н̣ам̣ д̣̇осажарид̇авасзна, д̣̇уб̣б̣ан̣н̣ам̣ рааг̇ажарид̇авасзна. зд̇зсан̃хи зд̇аани саббааяаани. саа жа д̇зсам̣ саббааяад̇аа вид̇т̇аарад̇о висуд̣̇д̇химаг̇г̇з (висуд̣̇д̇хи. 1.43) жарияанид̣̇д̣̇зсз вуд̇д̇аа.
Suvaṇṇadubbaṇṇānīti parisuddhāparisuddhavaṇṇāni. Parisuddhāni hi nīlādīni suvaṇṇāni, aparisuddhāni ca dubbaṇṇānīti idha adhippetāni. Āgamaṭṭhakathāsu pana ‘suvaṇṇāni vā hontu dubbaṇṇāni vā, parittaappamāṇavaseneva imāni abhibhāyatanāni desitānī’ti (a. ni. aṭṭha. 3.8.65) vuttaṃ. Imesu pana catūsu parittaṃ vitakkacaritavasena āgataṃ, appamāṇaṃ mohacaritavasena, suvaṇṇaṃ dosacaritavasena, dubbaṇṇaṃ rāgacaritavasena. Etesañhi etāni sappāyāni. Sā ca tesaṃ sappāyatā vitthārato visuddhimagge (visuddhi. 1.43) cariyaniddese vuttā.
гасмаа бана, яат̇аа суд̇д̇анд̇з ‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇ааний’’д̇иаад̣̇и (д̣̇ий. ни. 2.173; ма. ни. 2.249; а. ни. 8.65) вуд̇д̇ам̣, звам̣ авад̇ваа ид̇ха жад̇уусуби абхибхааяад̇анзсу аж̇жхад̇д̇ам̣ аруубасан̃н̃ид̇аава вуд̇д̇аад̇и? аж̇жхад̇д̇аруубаанам̣ анабхибхаванийяад̇о. д̇ад̇т̇а ваа хи ид̇ха ваа б̣ахид̣̇д̇хааруубаанзва абхибхавид̇аб̣б̣аани, д̇асмаа д̇аани нияамад̇о вад̇д̇аб̣б̣аанийд̇и д̇ад̇раби ид̇хаби вуд̇д̇аани. аж̇жхад̇д̇ам̣ аруубасан̃н̃ийд̇и ид̣̇ам̣ бана сад̇т̇у д̣̇зсанаавилаасамад̇д̇амзва. аяам̣ д̇аава жад̇уусу абхибхааяад̇анзсу абуб̣б̣абад̣̇аван̣н̣анаа. суд̣̇д̇хиганаяабадибад̣̇аабхзд̣̇о банзд̇т̇а бат̇авийгасин̣з вуд̇д̇анаязнзва згзгасмим̣ абхибхааяад̇анз взд̣̇ид̇аб̣б̣о. гзвалан̃жзд̇т̇а аарамман̣ажад̇уггам̣ аарамман̣ад̣̇угам̣ ход̇и, сол̣асагкад̇д̇уган̃жа адтагкад̇д̇угам̣. сзсам̣ д̇аад̣̇исамзва. звамзд̇т̇а згзгасмим̣ абхибхааяад̇анз зго суд̣̇д̇хиганаваго, жад̇д̇ааро бадибад̣̇аанавагаа, д̣̇вз аарамман̣анавагаа, аарамман̣абадибад̣̇аамиссагз адта навагаад̇и баннараса навагаад̇и жад̇уусуби абхибхааяад̇анзсу самасадти навагаа взд̣̇ид̇аб̣б̣аа.
Kasmā pana, yathā suttante ‘‘ajjhattaṃ rūpasaññī eko bahiddhā rūpāni passati parittānī’’tiādi (dī. ni. 2.173; ma. ni. 2.249; a. ni. 8.65) vuttaṃ, evaṃ avatvā idha catūsupi abhibhāyatanesu ajjhattaṃ arūpasaññitāva vuttāti? Ajjhattarūpānaṃ anabhibhavanīyato. Tattha vā hi idha vā bahiddhārūpāneva abhibhavitabbāni, tasmā tāni niyamato vattabbānīti tatrapi idhapi vuttāni. Ajjhattaṃ arūpasaññīti idaṃ pana satthu desanāvilāsamattameva. Ayaṃ tāva catūsu abhibhāyatanesu apubbapadavaṇṇanā. Suddhikanayapaṭipadābhedo panettha pathavīkasiṇe vuttanayeneva ekekasmiṃ abhibhāyatane veditabbo. Kevalañcettha ārammaṇacatukkaṃ ārammaṇadukaṃ hoti, soḷasakkhattukañca aṭṭhakkhattukaṃ. Sesaṃ tādisameva. Evamettha ekekasmiṃ abhibhāyatane eko suddhikanavako, cattāro paṭipadānavakā, dve ārammaṇanavakā, ārammaṇapaṭipadāmissake aṭṭha navakāti pannarasa navakāti catūsupi abhibhāyatanesu samasaṭṭhi navakā veditabbā.
246. бан̃жамаабхибхааяад̇анаад̣̇ийсу нийлаанийд̇и саб̣б̣асан̇г̇аахигавасзна вуд̇д̇ам̣. нийлаван̣н̣аанийд̇и ван̣н̣авасзна, нийланид̣̇ассанаанийд̇и нид̣̇ассанавасзна, абан̃н̃ааяамаанавивараани, асамбхиннаван̣н̣аани, зганийлаанзва худ̇ваа д̣̇иссанд̇ийд̇и вуд̇д̇ам̣ ход̇и. нийланибхаасаанийд̇и ид̣̇ам̣ бана обхаасанавасзна вуд̇д̇ам̣; нийлобхаасаани нийлаббабхааяуд̇д̇аанийд̇и ад̇т̇о. зд̇зна нзсам̣ сувисуд̣̇д̇хад̇ам̣ д̣̇ассзд̇и. сувисуд̣̇д̇хаван̣н̣авасзна хи имаани жад̇д̇аари абхибхааяад̇анаани вуд̇д̇аани. бийд̇аанийд̇иаад̣̇ийсуби иминаава наязна ад̇т̇о взд̣̇ид̇аб̣б̣о. нийлагасин̣ам̣ уг̇г̇ан̣ханд̇о нийласмим̣ нимид̇д̇ам̣ г̇ан̣хаад̇и. бубпасмим̣ ваа вад̇т̇асмим̣ ваа ван̣н̣ад̇хаад̇уяаа ваад̇иаад̣̇игам̣ банзд̇т̇а гасин̣агаран̣ан̃жа баригамман̃жа аббанаавид̇хаанан̃жа саб̣б̣ам̣ висуд̣̇д̇химаг̇г̇з (висуд̣̇д̇хи. 1.93 аад̣̇аяо) вид̇т̇аарад̇о вуд̇д̇амзва. яат̇аа жа бат̇авийгасин̣з звамзд̇т̇а згзгасмим̣ абхибхааяад̇анз бан̃жавийсад̇и бан̃жавийсад̇и навагаа взд̣̇ид̇аб̣б̣аа.
246. Pañcamaabhibhāyatanādīsu nīlānīti sabbasaṅgāhikavasena vuttaṃ. Nīlavaṇṇānīti vaṇṇavasena, nīlanidassanānīti nidassanavasena, apaññāyamānavivarāni, asambhinnavaṇṇāni, ekanīlāneva hutvā dissantīti vuttaṃ hoti. Nīlanibhāsānīti idaṃ pana obhāsanavasena vuttaṃ; nīlobhāsāni nīlappabhāyuttānīti attho. Etena nesaṃ suvisuddhataṃ dasseti. Suvisuddhavaṇṇavasena hi imāni cattāri abhibhāyatanāni vuttāni. Pītānītiādīsupi imināva nayena attho veditabbo. Nīlakasiṇaṃ uggaṇhanto nīlasmiṃ nimittaṃ gaṇhāti. Pupphasmiṃ vā vatthasmiṃ vā vaṇṇadhātuyā vātiādikaṃ panettha kasiṇakaraṇañca parikammañca appanāvidhānañca sabbaṃ visuddhimagge (visuddhi. 1.93 ādayo) vitthārato vuttameva. Yathā ca pathavīkasiṇe evamettha ekekasmiṃ abhibhāyatane pañcavīsati pañcavīsati navakā veditabbā.
абхибхааяад̇анагат̇аа.
Abhibhāyatanakathā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / абхибхааяад̇анагат̇ааван̣н̣анаа • Abhibhāyatanakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / абхибхааяад̇анагат̇ааван̣н̣анаа • Abhibhāyatanakathāvaṇṇanā
