| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
вимогкагат̇аа
Vimokkhakathā
248. ид̣̇аани яасмаа ид̣̇ам̣ руубааважарагусалам̣ наама на гзвалам̣ аарамман̣асан̇каад̇аанам̣ ааяад̇анаанам̣ абхибхаванад̇о абхибхааяад̇анавасзнзва уббаж̇ж̇ад̇и, ат̇а ко вимогкавасзнаби уббаж̇ж̇ад̇и, д̇асмаа д̇амби наяам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣.
248. Idāni yasmā idaṃ rūpāvacarakusalaṃ nāma na kevalaṃ ārammaṇasaṅkhātānaṃ āyatanānaṃ abhibhavanato abhibhāyatanavaseneva uppajjati, atha kho vimokkhavasenapi uppajjati, tasmā tampi nayaṃ dassetuṃ puna katame dhammā kusalātiādi āraddhaṃ.
гзнадтзна бана вимогко взд̣̇ид̇аб̣б̣од̇и? ад̇химужжанадтзна. го аяам̣ ад̇химужжанадто наама? бажжанийгад̇хаммзхи жа судту вимужжанадто, аарамман̣з жа абхирад̇ивасзна судту вимужжанадто . бид̇уан̇гз виссадтаан̇г̇абажжан̇г̇асса д̣̇аарагасса саяанам̣ вияа аниг̇г̇ахид̇абхаавзна нираасан̇гад̇ааяа аарамман̣з бавад̇д̇ийд̇и вуд̇д̇ам̣ ход̇и. звам̣лагкан̣ан̃хи вимогкабхааваббад̇д̇ам̣ руубааважарагусалам̣ д̣̇ассзд̇ум̣ аяам̣ наяо аарад̣̇д̇хо.
Kenaṭṭhena pana vimokkho veditabboti? Adhimuccanaṭṭhena. Ko ayaṃ adhimuccanaṭṭho nāma? Paccanīkadhammehi ca suṭṭhu vimuccanaṭṭho, ārammaṇe ca abhirativasena suṭṭhu vimuccanaṭṭho . Pituaṅke vissaṭṭhaaṅgapaccaṅgassa dārakassa sayanaṃ viya aniggahitabhāvena nirāsaṅkatāya ārammaṇe pavattīti vuttaṃ hoti. Evaṃlakkhaṇañhi vimokkhabhāvappattaṃ rūpāvacarakusalaṃ dassetuṃ ayaṃ nayo āraddho.
д̇ад̇т̇а руубийд̇и аж̇жхад̇д̇ам̣ гзсаад̣̇ийсу уббаад̣̇ид̇ам̣ руубаж̇жхаанам̣ руубам̣, д̇ад̣̇ассад̇т̇ийд̇и руубий. аж̇жхад̇д̇ан̃хи нийлабаригаммам̣ гаронд̇о гзсз ваа бид̇д̇з ваа агкид̇аарагааяа ваа гарод̇и. бийд̇абаригаммам̣ гаронд̇о мзд̣̇з ваа чавияаа ваа агкийнам̣ бийд̇адтаанз ваа гарод̇и. лохид̇абаригаммам̣ гаронд̇о мам̣сз ваа лохид̇з ваа ж̇ивхааяа ваа хад̇т̇ад̇алабаад̣̇ад̇алзсу ваа агкийнам̣ рад̇д̇адтаанз ваа гарод̇и. од̣̇аад̇абаригаммам̣ гаронд̇о адтимхи ваа д̣̇анд̇з ваа накз ваа агкийнам̣ сзд̇адтаанз ваа гарод̇и. звам̣ баригаммам̣ гад̇ваа уббаннаж̇жхаанасаман̇г̇инам̣ санд̇хааязд̇ам̣ вуд̇д̇ам̣. руубаани бассад̇ийд̇и б̣ахид̣̇д̇хааби нийлагасин̣аад̣̇ируубаани жхаанажагкунаа бассад̇и. иминаа аж̇жхад̇д̇аб̣ахид̣̇д̇хаавад̇т̇угзсу гасин̣зсу жхаанабадилаабхо д̣̇ассид̇о.
Tattha rūpīti ajjhattaṃ kesādīsu uppāditaṃ rūpajjhānaṃ rūpaṃ, tadassatthīti rūpī. Ajjhattañhi nīlaparikammaṃ karonto kese vā pitte vā akkhitārakāya vā karoti. Pītaparikammaṃ karonto mede vā chaviyā vā akkhīnaṃ pītaṭṭhāne vā karoti. Lohitaparikammaṃ karonto maṃse vā lohite vā jivhāya vā hatthatalapādatalesu vā akkhīnaṃ rattaṭṭhāne vā karoti. Odātaparikammaṃ karonto aṭṭhimhi vā dante vā nakhe vā akkhīnaṃ setaṭṭhāne vā karoti. Evaṃ parikammaṃ katvā uppannajjhānasamaṅginaṃ sandhāyetaṃ vuttaṃ. Rūpāni passatīti bahiddhāpi nīlakasiṇādirūpāni jhānacakkhunā passati. Iminā ajjhattabahiddhāvatthukesu kasiṇesu jhānapaṭilābho dassito.
аж̇жхад̇д̇ам̣ аруубасан̃н̃ийд̇и аж̇жхад̇д̇ам̣ на руубасан̃н̃ий. ад̇д̇ано гзсаад̣̇ийсу ануббаад̣̇ид̇аруубааважараж̇жхаанод̇и ад̇т̇о. иминаа б̣ахид̣̇д̇хаа баригаммам̣ гад̇ваа б̣ахид̣̇д̇хаава бадилад̣̇д̇хаж̇жхаанад̇аа д̣̇ассид̇аа.
Ajjhattaṃarūpasaññīti ajjhattaṃ na rūpasaññī. Attano kesādīsu anuppāditarūpāvacarajjhānoti attho. Iminā bahiddhā parikammaṃ katvā bahiddhāva paṭiladdhajjhānatā dassitā.
субханд̇и иминаа сувисуд̣̇д̇хзсу нийлаад̣̇ийсу ван̣н̣агасин̣зсу жхаанаани д̣̇ассид̇аани. д̇ад̇т̇а гин̃жааби анд̇оаббанааяа ‘субха’нд̇и аабхог̇о над̇т̇и, яо бана сувисуд̣̇д̇хам̣ субхагасин̣ам̣ аарамман̣ам̣ гад̇ваа вихарад̇и, со яасмаа ‘субха’нд̇и…бз… батамам̣ жхаанам̣ убасамбаж̇ж̇а вихарад̇и, д̇ат̇аа д̣̇уд̇ияаад̣̇ийни, д̇асмаа звам̣ д̣̇зсанаа гад̇аа. бадисамбхид̣̇аамаг̇г̇з бана ‘‘гат̇ам̣ субханд̇взва ад̇химуд̇д̇о ход̇ийд̇и вимогко? ид̇ха бхигку мзд̇д̇аасахаг̇ад̇зна жзд̇асаа згам̣ д̣̇исам̣…бз… вихарад̇и, мзд̇д̇ааяа бхаавид̇ад̇д̇аа сад̇д̇аа аббадигуулаа хонд̇и; гарун̣аа… муд̣̇ид̇аа… убзгкаасахаг̇ад̇зна жзд̇асаа згам̣ д̣̇исам̣…бз… вихарад̇и, убзгкааяа бхаавид̇ад̇д̇аа сад̇д̇аа аббадигуулаа хонд̇и, звам̣ субханд̇взва ад̇химуд̇д̇о ход̇ий’’д̇и вимогкод̇и (бади. ма. 1.212) вуд̇д̇ам̣. ид̇ха бана убари баал̣ияам̣язва б̣рахмавихаараанам̣ ааг̇ад̇ад̇д̇аа д̇ам̣ наяам̣ бадигкибид̇ваа сунийлагасубийд̇агасулохид̇агасуод̣̇аад̇агабарисуд̣̇д̇ханийлагабарисуд̣̇д̇хабийд̇агабарисуд̣̇д̇халохид̇агабарисуд̣̇д̇хаод̣̇аад̇агавасзнзва субхавимогко анун̃н̃аад̇о. ид̇и гасин̣анд̇и ваа абхибхааяад̇ананд̇и ваа вимогкод̇и ваа руубааважараж̇жхаанамзва . д̇ан̃хи аарамман̣асса сагаладтзна гасин̣ам̣ наама, аарамман̣ам̣ абхибхаванадтзна абхибхааяад̇анам̣ наама, аарамман̣з ад̇химужжанадтзна бажжанийгад̇хаммзхи жа вимужжанадтзна вимогко наамаад̇и вуд̇д̇ам̣. д̇ад̇т̇а гасин̣ад̣̇зсанаа абхид̇хаммавасзна, ид̇араа бана суд̇д̇анд̇ад̣̇зсанаавасзна вуд̇д̇аад̇и взд̣̇ид̇аб̣б̣аа. аяамзд̇т̇а абуб̣б̣абад̣̇аван̣н̣анаа. згзгасмим̣ бана вимогкз бат̇авийгасин̣з вияа бан̃жавийсад̇и бан̃жавийсад̇ийд̇и гад̇ваа бан̃жасад̇д̇ад̇и навагаа взд̣̇ид̇аб̣б̣аа.
Subhanti iminā suvisuddhesu nīlādīsu vaṇṇakasiṇesu jhānāni dassitāni. Tattha kiñcāpi antoappanāya ‘subha’nti ābhogo natthi, yo pana suvisuddhaṃ subhakasiṇaṃ ārammaṇaṃ katvā viharati, so yasmā ‘subha’nti…pe… paṭhamaṃ jhānaṃ upasampajja viharati, tathā dutiyādīni, tasmā evaṃ desanā katā. Paṭisambhidāmagge pana ‘‘kathaṃ subhantveva adhimutto hotīti vimokkho? Idha bhikkhu mettāsahagatena cetasā ekaṃ disaṃ…pe… viharati, mettāya bhāvitattā sattā appaṭikūlā honti; karuṇā… muditā… upekkhāsahagatena cetasā ekaṃ disaṃ…pe… viharati, upekkhāya bhāvitattā sattā appaṭikūlā honti, evaṃ subhantveva adhimutto hotī’’ti vimokkhoti (paṭi. ma. 1.212) vuttaṃ. Idha pana upari pāḷiyaṃyeva brahmavihārānaṃ āgatattā taṃ nayaṃ paṭikkhipitvā sunīlakasupītakasulohitakasuodātakaparisuddhanīlakaparisuddhapītakaparisuddhalohitakaparisuddhaodātakavaseneva subhavimokkho anuññāto. Iti kasiṇanti vā abhibhāyatananti vā vimokkhoti vā rūpāvacarajjhānameva . Tañhi ārammaṇassa sakalaṭṭhena kasiṇaṃ nāma, ārammaṇaṃ abhibhavanaṭṭhena abhibhāyatanaṃ nāma, ārammaṇe adhimuccanaṭṭhena paccanīkadhammehi ca vimuccanaṭṭhena vimokkho nāmāti vuttaṃ. Tattha kasiṇadesanā abhidhammavasena, itarā pana suttantadesanāvasena vuttāti veditabbā. Ayamettha apubbapadavaṇṇanā. Ekekasmiṃ pana vimokkhe pathavīkasiṇe viya pañcavīsati pañcavīsatīti katvā pañcasattati navakā veditabbā.
вимогкагат̇аа.
Vimokkhakathā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / вимогкагат̇ааван̣н̣анаа • Vimokkhakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / вимогкагат̇ааван̣н̣анаа • Vimokkhakathāvaṇṇanā
