| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౬. అభయసుత్తవణ్ణనా
6. Abhayasuttavaṇṇanā
౨౩౭. ఛట్ఠే అఞ్ఞాణాయ అదస్సనాయాతి అఞ్ఞాణత్థాయ అదస్సనత్థాయ. తగ్ఘ భగవా నీవరణాతి ఏకంసేన భగవా నీవరణా. కాయకిలమథోతి కాయదరథో. చిత్తకిలమథోతి చిత్తదరథో. సోపి మే పటిప్పస్సద్ధోతి తస్స కిర సత్థు సన్తికే సీతలం ఉతుసప్పాయట్ఠానం పవిసిత్వా నిసిన్నస్స కాయదరథో పటిపస్సమ్భి, తస్మిం పటిపస్సద్ధే తదన్వయేనేవ చిత్తదరథోపి. అపిచ మగ్గేనేవస్స ఏతం ఉభయమ్పి పస్సద్ధన్తి వేదితబ్బం.
237. Chaṭṭhe aññāṇāya adassanāyāti aññāṇatthāya adassanatthāya. Taggha bhagavā nīvaraṇāti ekaṃsena bhagavā nīvaraṇā. Kāyakilamathoti kāyadaratho. Cittakilamathoti cittadaratho. Sopi me paṭippassaddhoti tassa kira satthu santike sītalaṃ utusappāyaṭṭhānaṃ pavisitvā nisinnassa kāyadaratho paṭipassambhi, tasmiṃ paṭipassaddhe tadanvayeneva cittadarathopi. Apica maggenevassa etaṃ ubhayampi passaddhanti veditabbaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౬. అభయసుత్తం • 6. Abhayasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. అభయసుత్తవణ్ణనా • 6. Abhayasuttavaṇṇanā
