| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭. ఆనాపానవగ్గో
7. Ānāpānavaggo
౧. అట్ఠికమహప్ఫలసుత్తాదివణ్ణనా
1. Aṭṭhikamahapphalasuttādivaṇṇanā
౨౩౮. సత్తమాదీసు అట్ఠికసఞ్ఞాతి అట్ఠికం అట్ఠికన్తి భావేన్తస్స ఉప్పన్నసఞ్ఞా. తం పనేతం భావయతో యావ నిమిత్తం న ఉప్పజ్జతి, తావ ఛవిపి చమ్మమ్పి ఉపట్ఠాతి. నిమిత్తే పన ఉప్పన్నే ఛవిచమ్మాని నేవ ఉపట్ఠహన్తి, సఙ్ఖవణ్ణో సుద్ధఅట్ఠికసఙ్ఘాటోవ ఉపట్ఠాతి హత్థిక్ఖన్ధగతం ధమ్మికతిస్సరాజానం ఓలోకేన్తస్స సామణేరస్స వియ, పటిమగ్గే హసమానం ఇత్థిం ఓలోకేన్తస్స చేతియపబ్బతవాసినో తిస్సత్థేరస్స వియ చాతి. వత్థూని విసుద్ధిమగ్గే (విసుద్ధి॰ ౧.౧౫) విత్థారితాని. సతి వా ఉపాదిసేసేతి గహణసేసే ఉపాదానసేసే విజ్జమానమ్హి.
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. అట్ఠికమహప్ఫలసుత్తం • 1. Aṭṭhikamahapphalasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. అట్ఠికమహప్ఫలసుత్తాదివణ్ణనా • 1. Aṭṭhikamahapphalasuttādivaṇṇanā
