| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
६. अभयसुत्तवण्णना
6. Abhayasuttavaṇṇanā
२३७. छट्ठे अञ्ञाणाय अदस्सनायाति अञ्ञाणत्थाय अदस्सनत्थाय। तग्घ भगवा नीवरणाति एकंसेन भगवा नीवरणा। कायकिलमथोति कायदरथो। चित्तकिलमथोति चित्तदरथो। सोपि मे पटिप्पस्सद्धोति तस्स किर सत्थु सन्तिके सीतलं उतुसप्पायट्ठानं पविसित्वा निसिन्नस्स कायदरथो पटिपस्सम्भि, तस्मिं पटिपस्सद्धे तदन्वयेनेव चित्तदरथोपि। अपिच मग्गेनेवस्स एतं उभयम्पि पस्सद्धन्ति वेदितब्बं।
237. Chaṭṭhe aññāṇāya adassanāyāti aññāṇatthāya adassanatthāya. Taggha bhagavā nīvaraṇāti ekaṃsena bhagavā nīvaraṇā. Kāyakilamathoti kāyadaratho. Cittakilamathoti cittadaratho. Sopi me paṭippassaddhoti tassa kira satthu santike sītalaṃ utusappāyaṭṭhānaṃ pavisitvā nisinnassa kāyadaratho paṭipassambhi, tasmiṃ paṭipassaddhe tadanvayeneva cittadarathopi. Apica maggenevassa etaṃ ubhayampi passaddhanti veditabbaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६. अभयसुत्तं • 6. Abhayasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६. अभयसुत्तवण्णना • 6. Abhayasuttavaṇṇanā
