| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
७. आनापानवग्गो
7. Ānāpānavaggo
१. अट्ठिकमहप्फलसुत्तादिवण्णना
1. Aṭṭhikamahapphalasuttādivaṇṇanā
२३८. सत्तमादीसु अट्ठिकसञ्ञाति अट्ठिकं अट्ठिकन्ति भावेन्तस्स उप्पन्नसञ्ञा। तं पनेतं भावयतो याव निमित्तं न उप्पज्जति, ताव छविपि चम्मम्पि उपट्ठाति। निमित्ते पन उप्पन्ने छविचम्मानि नेव उपट्ठहन्ति, सङ्खवण्णो सुद्धअट्ठिकसङ्घाटोव उपट्ठाति हत्थिक्खन्धगतं धम्मिकतिस्सराजानं ओलोकेन्तस्स सामणेरस्स विय, पटिमग्गे हसमानं इत्थिं ओलोकेन्तस्स चेतियपब्बतवासिनो तिस्सत्थेरस्स विय चाति। वत्थूनि विसुद्धिमग्गे (विसुद्धि॰ १.१५) वित्थारितानि। सति वा उपादिसेसेति गहणसेसे उपादानसेसे विज्जमानम्हि।
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. अट्ठिकमहप्फलसुत्तं • 1. Aṭṭhikamahapphalasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १. अट्ठिकमहप्फलसुत्तादिवण्णना • 1. Aṭṭhikamahapphalasuttādivaṇṇanā
