| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১৭-৪৬. জলাবুজাদিদানূপকারসুত্ততিংসকং
17-46. Jalābujādidānūpakārasuttatiṃsakaṃ
৪০৮-৪৩৭. সাৰত্থিনিদানং । একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেন মিধেকচ্চো কাযস্স ভেদা পরং মরণা জলাবুজানং সুপণ্ণানং…পে॰… সংসেদজানং সুপণ্ণানং…পে॰… ওপপাতিকানং সুপণ্ণানং সহব্যতং উপপজ্জতী’’তি? ‘‘ইধ, ভিক্খু, একচ্চো কাযেন দ্ৰযকারী হোতি, ৰাচায দ্ৰযকারী, মনসা দ্ৰযকারী। তস্স সুতং হোতি – ‘ওপপাতিকা সুপণ্ণা দীঘাযুকা ৰণ্ণৰন্তো সুখবহুলা’তি। তস্স এৰং হোতি – ‘অহো ৰতাহং কাযস্স ভেদা পরং মরণা ওপপাতিকানং সুপণ্ণানং সহব্যতং উপপজ্জেয্য’ন্তি। সো অন্নং দেতি…পে॰… পানং দেতি…পে॰… পদীপেয্যং দেতি। সো কাযস্স ভেদা পরং মরণা ওপপাতিকানং সুপণ্ণানং সহব্যতং উপপজ্জতি। অযং খো, ভিক্খু, হেতু, অযং পচ্চযো, যেন মিধেকচ্চো কাযস্স ভেদা পরং মরণা ওপপাতিকানং সুপণ্ণানং সহব্যতং উপপজ্জতী’’তি। ছচত্তালীসমং।
408-437. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā jalābujānaṃ supaṇṇānaṃ…pe… saṃsedajānaṃ supaṇṇānaṃ…pe… opapātikānaṃ supaṇṇānaṃ sahabyataṃ upapajjatī’’ti? ‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘opapātikā supaṇṇā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjeyya’nti. So annaṃ deti…pe… pānaṃ deti…pe… padīpeyyaṃ deti. So kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjatī’’ti. Chacattālīsamaṃ.
(এৰং পিণ্ডকেন ছচত্তালীসং সুত্তন্তা হোন্তি।)
(Evaṃ piṇḍakena chacattālīsaṃ suttantā honti.)
সুপণ্ণসংযুত্তং সমত্তং।
Supaṇṇasaṃyuttaṃ samattaṃ.
তস্সুদ্দানং –
Tassuddānaṃ –
সুদ্ধিকং হরন্তি চেৰ, দ্ৰযকারী চ চতুরো।
Suddhikaṃ haranti ceva, dvayakārī ca caturo;
দানূপকারা তালীসং, সুপণ্ণে সুপ্পকাসিতাতি॥
Dānūpakārā tālīsaṃ, supaṇṇe suppakāsitāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. সুপণ্ণসংযুত্তৰণ্ণনা • 9. Supaṇṇasaṃyuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৯. সুপণ্ণসংযুত্তৰণ্ণনা • 9. Supaṇṇasaṃyuttavaṇṇanā
