| Library / Tipiṭaka / ཏིཔིཊཀ • Tipiṭaka / ནེཏྟིཔྤཀརཎཔཱལི༹ • Nettippakaraṇapāḷi |
༣. ཡུཏྟིཧཱརསམྤཱཏོ
3. Yuttihārasampāto
༦༥.
65.
ཏཏྠ ཀཏམོ ཡུཏྟིཧཱརསམྤཱཏོ?
Tattha katamo yuttihārasampāto?
‘‘ཏསྨཱ རཀྑིཏཙིཏྟསྶ, སམྨཱསངྐཔྤགོཙརོ།
‘‘Tasmā rakkhitacittassa, sammāsaṅkappagocaro;
སམྨཱདིཊྛིཔུརེཀྑཱརོ, ཉཏྭཱན ཨུདཡབྦཡཾ།
Sammādiṭṭhipurekkhāro, ñatvāna udayabbayaṃ;
ཐིནམིདྡྷཱབྷིབྷཱུ བྷིཀྑུ, སབྦཱ དུགྒཏིཡོ ཛཧེ’’ཏི༎
Thinamiddhābhibhū bhikkhu, sabbā duggatiyo jahe’’ti.
‘‘ཏསྨཱ རཀྑིཏཙིཏྟསྶ, སམྨཱསངྐཔྤགོཙརོ’’ཏི རཀྑིཏཙིཏྟསྶ སམྨཱསངྐཔྤགོཙརོ བྷཝིསྶཏཱིཏི ཡུཛྫཏི, སམྨཱསངྐཔྤགོཙརོ སམྨཱདིཊྛི བྷཝིསྶཏཱིཏི ཡུཛྫཏི, སམྨཱདིཊྛིཔུརེཀྑཱརོ ཝིཧརནྟོ ཨུདཡབྦཡཾ པཊིཝིཛ྄ཛྷིསྶཏཱིཏི ཡུཛྫཏི, ཨུདཡབྦཡཾ པཊིཝིཛ྄ཛྷནྟོ སབྦཱ དུགྒཏིཡོ ཛཧིསྶཏཱིཏི ཡུཛྫཏི། སབྦཱ དུགྒཏིཡོ ཛཧནྟོ སབྦཱནི དུགྒཏིཝིནིཔཱཏབྷཡཱནི སམཏིཀྐམིསྶཏཱིཏི ཡུཛྫཏཱིཏི།
‘‘Tasmā rakkhitacittassa, sammāsaṅkappagocaro’’ti rakkhitacittassa sammāsaṅkappagocaro bhavissatīti yujjati, sammāsaṅkappagocaro sammādiṭṭhi bhavissatīti yujjati, sammādiṭṭhipurekkhāro viharanto udayabbayaṃ paṭivijjhissatīti yujjati, udayabbayaṃ paṭivijjhanto sabbā duggatiyo jahissatīti yujjati. Sabbā duggatiyo jahanto sabbāni duggativinipātabhayāni samatikkamissatīti yujjatīti.
ནིཡུཏྟོ ཡུཏྟིཧཱརསམྤཱཏོ།
Niyutto yuttihārasampāto.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ནེཏྟིཔྤཀརཎ-ཨཊྛཀཐཱ • Nettippakaraṇa-aṭṭhakathā / ༣. ཡུཏྟིཧཱརསམྤཱཏཝཎྞནཱ • 3. Yuttihārasampātavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཁུདྡཀནིཀཱཡ (ཊཱིཀཱ) • Khuddakanikāya (ṭīkā) / ནེཏྟིཔྤཀརཎ-ཊཱིཀཱ • Nettippakaraṇa-ṭīkā / ༣. ཡུཏྟིཧཱརསམྤཱཏཝཎྞནཱ • 3. Yuttihārasampātavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཁུདྡཀནིཀཱཡ (ཊཱིཀཱ) • Khuddakanikāya (ṭīkā) / ནེཏྟིཝིབྷཱཝིནཱི • Nettivibhāvinī / ༣. ཡུཏྟིཧཱརསམྤཱཏཝིབྷཱཝནཱ • 3. Yuttihārasampātavibhāvanā
