| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૭. યૂથિકાપુપ્ફિયત્થેરઅપદાનવણ્ણના
7. Yūthikāpupphiyattheraapadānavaṇṇanā
ચન્દભાગાનદીતીરેતિઆદિકં આયસ્મતો યૂથિકાપુપ્ફિયત્થેરસ્સ અપદાનં. અયમ્પિ આયસ્મા પુરિમમુનિન્દેસુ કતાધિકારો અનેકેસુ ચ જાતિસતેસુ વિવટ્ટૂપનિસ્સયાનિ પુઞ્ઞાનિ ઉપચિનન્તો ફુસ્સસ્સેવ ભગવતો કાલે સુદ્દકુલે નિબ્બત્તો વુદ્ધિપ્પત્તો ચન્દભાગાય નદિયા તીરે કેનચિદેવ કરણીયેન અનુસોતં ચરમાનો ફુસ્સં ભગવન્તં ન્હાયિતુકામં અગ્ગિક્ખન્ધં વિય જલમાનં દિસ્વા સોમનસ્સજાતો તત્થ જાતં યૂથિકાપુપ્ફં ઓચિનિત્વા ભગવન્તં પૂજેસિ. ભગવા તસ્સ અનુમોદનમકાસિ.
Candabhāgānadītīretiādikaṃ āyasmato yūthikāpupphiyattherassa apadānaṃ. Ayampi āyasmā purimamunindesu katādhikāro anekesu ca jātisatesu vivaṭṭūpanissayāni puññāni upacinanto phussasseva bhagavato kāle suddakule nibbatto vuddhippatto candabhāgāya nadiyā tīre kenacideva karaṇīyena anusotaṃ caramāno phussaṃ bhagavantaṃ nhāyitukāmaṃ aggikkhandhaṃ viya jalamānaṃ disvā somanassajāto tattha jātaṃ yūthikāpupphaṃ ocinitvā bhagavantaṃ pūjesi. Bhagavā tassa anumodanamakāsi.
૩૩. સો તત્થ તેન પુઞ્ઞકોટ્ઠાસેન દેવમનુસ્સેસુ સંસરન્તો ઉભયસમ્પત્તિયો અનુભવિત્વા ઇમસ્મિં બુદ્ધુપ્પાદે કુલગેહે નિબ્બત્તો વુદ્ધિપ્પત્તો ભગવતો ધમ્મદેસનં સુત્વા પસન્નમાનસો પબ્બજિત્વા વત્તપટિપત્તિયા સાસનં સોભેન્તો નચિરસ્સેવ અરહા હુત્વા અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો ચન્દભાગાનદીતીરેતિઆદિમાહ. તં સબ્બં ઉત્તાનત્થમેવાતિ.
33. So tattha tena puññakoṭṭhāsena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto bhagavato dhammadesanaṃ sutvā pasannamānaso pabbajitvā vattapaṭipattiyā sāsanaṃ sobhento nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Taṃ sabbaṃ uttānatthamevāti.
યૂથિકાપુપ્ફિયત્થેરઅપદાનવણ્ણના સમત્તા.
Yūthikāpupphiyattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૭. યૂથિકપુપ્ફિયત્થેરઅપદાનં • 7. Yūthikapupphiyattheraapadānaṃ
