| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ಯೂಥಿಕಪುಪ್ಫಿಯತ್ಥೇರಅಪದಾನಂ
7. Yūthikapupphiyattheraapadānaṃ
೩೩.
33.
‘‘ಚನ್ದಭಾಗಾನದೀತೀರೇ , ಅನುಸೋತಂ ವಜಾಮಹಂ।
‘‘Candabhāgānadītīre , anusotaṃ vajāmahaṃ;
ಸಯಮ್ಭುಂ ಅದ್ದಸಂ ತತ್ಥ, ಸಾಲರಾಜಂವ ಫುಲ್ಲಿತಂ॥
Sayambhuṃ addasaṃ tattha, sālarājaṃva phullitaṃ.
೩೪.
34.
‘‘ಪುಪ್ಫಂ ಯೂಥಿಕಮಾದಾಯ, ಉಪಗಚ್ಛಿಂ ಮಹಾಮುನಿಂ।
‘‘Pupphaṃ yūthikamādāya, upagacchiṃ mahāmuniṃ;
ಪಸನ್ನಚಿತ್ತೋ ಸುಮನೋ, ಬುದ್ಧಸ್ಸ ಅಭಿರೋಪಯಿಂ॥
Pasannacitto sumano, buddhassa abhiropayiṃ.
೩೫.
35.
‘‘ಚತುನ್ನವುತಿತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ।
‘‘Catunnavutito kappe, yaṃ pupphamabhiropayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೩೬.
36.
‘‘ಸತ್ತಸಟ್ಠಿಮ್ಹಿತೋ ಕಪ್ಪೇ, ಏಕೋ ಸಾಮುದ್ಧರೋ ಅಹು।
‘‘Sattasaṭṭhimhito kappe, eko sāmuddharo ahu;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೩೭.
37.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಯೂಥಿಕಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā yūthikapupphiyo thero imā gāthāyo abhāsitthāti.
ಯೂಥಿಕಪುಪ್ಫಿಯತ್ಥೇರಸ್ಸಾಪದಾನಂ ಸತ್ತಮಂ।
Yūthikapupphiyattherassāpadānaṃ sattamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೭. ಯೂಥಿಕಾಪುಪ್ಫಿಯತ್ಥೇರಅಪದಾನವಣ್ಣನಾ • 7. Yūthikāpupphiyattheraapadānavaṇṇanā
