| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. यूथिकपुप्फियत्थेरअपदानं
7. Yūthikapupphiyattheraapadānaṃ
३३.
33.
‘‘चन्दभागानदीतीरे , अनुसोतं वजामहं।
‘‘Candabhāgānadītīre , anusotaṃ vajāmahaṃ;
सयम्भुं अद्दसं तत्थ, सालराजंव फुल्लितं॥
Sayambhuṃ addasaṃ tattha, sālarājaṃva phullitaṃ.
३४.
34.
‘‘पुप्फं यूथिकमादाय, उपगच्छिं महामुनिं।
‘‘Pupphaṃ yūthikamādāya, upagacchiṃ mahāmuniṃ;
पसन्नचित्तो सुमनो, बुद्धस्स अभिरोपयिं॥
Pasannacitto sumano, buddhassa abhiropayiṃ.
३५.
35.
‘‘चतुन्नवुतितो कप्पे, यं पुप्फमभिरोपयिं।
‘‘Catunnavutito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
३६.
36.
‘‘सत्तसट्ठिम्हितो कप्पे, एको सामुद्धरो अहु।
‘‘Sattasaṭṭhimhito kappe, eko sāmuddharo ahu;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
३७.
37.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा यूथिकपुप्फियो थेरो इमा गाथायो अभासित्थाति।
Itthaṃ sudaṃ āyasmā yūthikapupphiyo thero imā gāthāyo abhāsitthāti.
यूथिकपुप्फियत्थेरस्सापदानं सत्तमं।
Yūthikapupphiyattherassāpadānaṃ sattamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ७. यूथिकापुप्फियत्थेरअपदानवण्णना • 7. Yūthikāpupphiyattheraapadānavaṇṇanā
