| Library / Tipiṭaka / তিপিটক • Tipiṭaka / চরিযাপিটকপাল়ি • Cariyāpiṭakapāḷi |
৩. যুধঞ্জযৰগ্গো
3. Yudhañjayavaggo
১. যুধঞ্জযচরিযা
1. Yudhañjayacariyā
১.
1.
‘‘যদাহং অমিতযসো, রাজপুত্তো যুধঞ্জযো।
‘‘Yadāhaṃ amitayaso, rājaputto yudhañjayo;
উস্সাৰবিন্দুং সূরিযাতপে, পতিতং দিস্ৰান সংৰিজিং॥
Ussāvabinduṃ sūriyātape, patitaṃ disvāna saṃvijiṃ.
২.
2.
‘‘তঞ্ঞেৰাধিপতিং কত্ৰা, সংৰেগমনুব্রূহযিং।
‘‘Taññevādhipatiṃ katvā, saṃvegamanubrūhayiṃ;
মাতাপিতূ চ ৰন্দিত্ৰা, পব্বজ্জমনুযাচহং॥
Mātāpitū ca vanditvā, pabbajjamanuyācahaṃ.
৩.
3.
‘‘যাচন্তি মং পঞ্জলিকা, সনেগমা সরট্ঠকা।
‘‘Yācanti maṃ pañjalikā, sanegamā saraṭṭhakā;
‘অজ্জেৰ পুত্ত পটিপজ্জ, ইদ্ধং ফীতং মহামহিং’॥
‘Ajjeva putta paṭipajja, iddhaṃ phītaṃ mahāmahiṃ’.
৪.
4.
‘‘সরাজকে সহোরোধে, সনেগমে সরট্ঠকে।
‘‘Sarājake sahorodhe, sanegame saraṭṭhake;
করুণং পরিদেৰন্তে, অনপেক্খোৰ পরিচ্চজিং॥
Karuṇaṃ paridevante, anapekkhova pariccajiṃ.
৫.
5.
‘‘কেৰলং পথৰিং রজ্জং, ঞাতিপরিজনং যসং।
‘‘Kevalaṃ pathaviṃ rajjaṃ, ñātiparijanaṃ yasaṃ;
চজমানো ন চিন্তেসিং, বোধিযাযেৰ কারণা॥
Cajamāno na cintesiṃ, bodhiyāyeva kāraṇā.
৬.
6.
‘‘মাতাপিতা ন মে দেস্সা, নপি মে দেস্সং মহাযসং।
‘‘Mātāpitā na me dessā, napi me dessaṃ mahāyasaṃ;
সব্বঞ্ঞুতং পিযং ময্হং, তস্মা রজ্জং পরিচ্চজি’’ন্তি॥
Sabbaññutaṃ piyaṃ mayhaṃ, tasmā rajjaṃ pariccaji’’nti.
যুধঞ্জযচরিযং পঠমং।
Yudhañjayacariyaṃ paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / চরিযাপিটক-অট্ঠকথা • Cariyāpiṭaka-aṭṭhakathā / ১. যুধঞ্জযচরিযাৰণ্ণনা • 1. Yudhañjayacariyāvaṇṇanā
