| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੭. ਯੋਨਿਸੋਮਨਸਿਕਾਰਪਞ੍ਹੋ
7. Yonisomanasikārapañho
੭. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਯੋ ਨ ਪਟਿਸਨ੍ਦਹਤਿ, ਨਨੁ ਸੋ ਯੋਨਿਸੋ ਮਨਸਿਕਾਰੇਨ ਨ ਪਟਿਸਨ੍ਦਹਤੀ’’ਤਿ? ‘‘ਯੋਨਿਸੋ ਚ ਮਹਾਰਾਜ, ਮਨਸਿਕਾਰੇਨ ਪਞ੍ਞਾਯ ਚ ਅਞ੍ਞੇਹਿ ਚ ਕੁਸਲੇਹਿ ਧਮ੍ਮੇਹੀ’’ਤਿ। ‘‘ਨਨੁ, ਭਨ੍ਤੇ, ਯੋਨਿਸੋ ਮਨਸਿਕਾਰੋ ਯੇવ ਪਞ੍ਞਾ’’ਤਿ? ‘‘ਨ ਹਿ, ਮਹਾਰਾਜ, ਅਞ੍ਞੋ ਮਨਸਿਕਾਰੋ, ਅਞ੍ਞਾ ਪਞ੍ਞਾ, ਇਮੇਸਂ ਖੋ, ਮਹਾਰਾਜ, ਅਜੇਲ਼ਕਗੋਣਮਹਿਂਸਓਟ੍ਠਗਦ੍ਰਭਾਨਮ੍ਪਿ ਮਨਸਿਕਾਰੋ ਅਤ੍ਥਿ, ਪਞ੍ਞਾ ਪਨ ਤੇਸਂ ਨਤ੍ਥੀ’’ਤਿ।
7. Rājā āha ‘‘bhante nāgasena, yo na paṭisandahati, nanu so yoniso manasikārena na paṭisandahatī’’ti? ‘‘Yoniso ca mahārāja, manasikārena paññāya ca aññehi ca kusalehi dhammehī’’ti. ‘‘Nanu, bhante, yoniso manasikāro yeva paññā’’ti? ‘‘Na hi, mahārāja, añño manasikāro, aññā paññā, imesaṃ kho, mahārāja, ajeḷakagoṇamahiṃsaoṭṭhagadrabhānampi manasikāro atthi, paññā pana tesaṃ natthī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਯੋਨਿਸੋਮਨਸਿਕਾਰਪਞ੍ਹੋ ਸਤ੍ਤਮੋ।
Yonisomanasikārapañho sattamo.
