| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၇. ယောနိသောမနသိကာရပဉ္ဟော
7. Yonisomanasikārapañho
၇. ရာဇာ အာဟ ‘‘ဘန္တေ နာဂသေန, ယော န ပဋိသန္ဒဟတိ, နနု သော ယောနိသော မနသိကာရေန န ပဋိသန္ဒဟတီ’’တိ? ‘‘ယောနိသော စ မဟာရာဇ, မနသိကာရေန ပညာယ စ အညေဟိ စ ကုသလေဟိ ဓမ္မေဟီ’’တိ။ ‘‘နနု, ဘန္တေ, ယောနိသော မနသိကာရော ယေဝ ပညာ’’တိ? ‘‘န ဟိ, မဟာရာဇ, အညော မနသိကာရော, အညာ ပညာ, ဣမေသံ ခော, မဟာရာဇ, အဇေဠကဂောဏမဟိံသဩဋ္ဌဂဒ္ရဘာနမ္ပိ မနသိကာရော အတ္ထိ, ပညာ ပန တေသံ နတ္ထီ’’တိ။
7. Rājā āha ‘‘bhante nāgasena, yo na paṭisandahati, nanu so yoniso manasikārena na paṭisandahatī’’ti? ‘‘Yoniso ca mahārāja, manasikārena paññāya ca aññehi ca kusalehi dhammehī’’ti. ‘‘Nanu, bhante, yoniso manasikāro yeva paññā’’ti? ‘‘Na hi, mahārāja, añño manasikāro, aññā paññā, imesaṃ kho, mahārāja, ajeḷakagoṇamahiṃsaoṭṭhagadrabhānampi manasikāro atthi, paññā pana tesaṃ natthī’’ti.
‘‘ကလ္လောသိ, ဘန္တေ နာဂသေနာ’’တိ။
‘‘Kallosi, bhante nāgasenā’’ti.
ယောနိသောမနသိကာရပဉ္ဟော သတ္တမော။
Yonisomanasikārapañho sattamo.
