| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༡. ཡོགཀྑེམིཝགྒོ
11. Yogakkhemivaggo
༡. ཡོགཀྑེམིསུཏྟཝཎྞནཱ
1. Yogakkhemisuttavaṇṇanā
༡༠༤. ཙཏཱུཧི ཡོགེཧཱིཏི ཀཱམཡོགཱདཱིཧི ཙཏཱུཧི ཡོགེཧི། ཁེམིནོཏི ཁེམཝཏོ ཀུསལིནོ། ཀཱརཎབྷཱུཏནྟི ཀཏྟབྦཨུཔཱཡསྶ ཀཱརཎབྷཱུཏཾ། པརིཡཱཡཏི པཝཏྟིཾ ནིཝཏྟིཉྩ ཉཱཔེཏཱིཏི པརིཡཱཡོ, དྷམྨོ ཙ སོ པརིཡཏྟིདྷམྨཏྟཱ པརིཡཱཡོ ཙཱཏི དྷམྨཔརིཡཱཡོ, ཏཾ དྷམྨཔརིཡཱཡཾ། ཡསྨཱ པན སོ ཏསྶཱདྷིགམསྶ ཀཱརཎཾ ཧོཏི, ཏསྨཱ ཝུཏྟཾ ‘‘དྷམྨཀཱརཎ’’ནྟི། ཡུཏྟིནྟི སམཐཝིཔསྶནཱདྷམྨཱནཱིཏི ཝཱ ཙཏུསཙྩདྷམྨཱནཱིཏི ཝཱ། ‘‘ཏསྨཱ’’ཏི པདཾ ཨུདྡྷརིཏྭཱ – ‘‘ཀསྨཱ’’ཏི ཀཱརཎཾ པུཙྪནྟོ ‘‘ཀིཾ ཨཀྑཱཏཏྟཱ, ཨུདཱཧུ པཧཱིནཏྟཱ’’ཏི ཝིབྷཛིཏྭཱ པུཙྪི། ཡསྨཱ པན ཚནྡརཱགཔྤཧཱནཾ ཡོགཀྑེམིབྷཱཝསྶ ཀཱརཎཾ, ན ཀཐནཾ, ཏསྨཱ ‘‘པཧཱིནཏྟཱ’’ཏིཨཱདི ཝུཏྟཾ།
104.Catūhiyogehīti kāmayogādīhi catūhi yogehi. Kheminoti khemavato kusalino. Kāraṇabhūtanti kattabbaupāyassa kāraṇabhūtaṃ. Pariyāyati pavattiṃ nivattiñca ñāpetīti pariyāyo, dhammo ca so pariyattidhammattā pariyāyo cāti dhammapariyāyo, taṃ dhammapariyāyaṃ. Yasmā pana so tassādhigamassa kāraṇaṃ hoti, tasmā vuttaṃ ‘‘dhammakāraṇa’’nti. Yuttinti samathavipassanādhammānīti vā catusaccadhammānīti vā. ‘‘Tasmā’’ti padaṃ uddharitvā – ‘‘kasmā’’ti kāraṇaṃ pucchanto ‘‘kiṃ akkhātattā, udāhu pahīnattā’’ti vibhajitvā pucchi. Yasmā pana chandarāgappahānaṃ yogakkhemibhāvassa kāraṇaṃ, na kathanaṃ, tasmā ‘‘pahīnattā’’tiādi vuttaṃ.
ཡོགཀྑེམིསུཏྟཝཎྞནཱ ནིཊྛིཏཱ།
Yogakkhemisuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. ཡོགཀྑེམིསུཏྟཾ • 1. Yogakkhemisuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. ཡོགཀྑེམིསུཏྟཝཎྞནཱ • 1. Yogakkhemisuttavaṇṇanā
